4 қарашада Нұр-Сұлтан мен Алматыда өтетін маңызды шаралар аңдатпасы
НҰР-СҰЛТАН
Сағат 10:00-де ҚР Парламенті Мәжілісінде «ҚР Тұңғыш Президенті-Елбасы жариялаған Жастар жылының нәтижесі және Волонтерлар жылын өткізуге дайындық» тақырыбында үкіметтік сағат өтеді.
Сағат 10.00-де Құқыққорғау органдарының академиясында Президенттік резервте тұрған қызметкерлер үшін кәсіби қайта даярлау курстары ұйымдастырылады.
Сағат 10.00-де «Nur Otan» партиясының республикалық қоғамдық қабылдауында Еңбек және халықты әлеуметтік қорғау министрі Біржан Нұрымбетов азаматтарды жеке қабылдайды.
Сағат 11:00-де Тәуелсіздік сарайында жастар арасында жұмысшы мамандықтарды ақпараттық-насихаттау жұмыстары бойынша кешенді шаралар ұйымдастырылады.
Сағат 12:20-да ҚР Президенті жанындағы Орталық коммуникациялар қызметінде Атырау облысының әлеуметтік-экономикалық дамуына арналған баспасөз мәслихаты басталады. Спикер – Атырау облысының әкімі Нұрлан Ноғаев.
Сағат 15:00-де SOS Балалар қалашығына пресс-тур өтеді.
Сағат 16:20-да Орталық коммуникациялар қызметінің алаңында Нұр-Сұлтан қаласы әкімінің орынбасарының қатысуымен елорданы газдандыру бойынша баспасөз мәслихаты өтеді.
АЛМАТЫ
Сағат 11:00-де «Ғылым ордасы» РМК-да «Қазақстан жәндіктерінің ғажайып әлемі» атты балалар шығармашылығының байқауы өтеді.
Сағат 19:00-де М.Әуезов атындағы Қазақ мемлекеттік академиялық драма театрында Бейімбет Майлиннің 125 жылдығына арналған кеш басталады.