4 айда өңдеу өнеркәсібіне салынған инвестиция 2,1 есе артты – Әсет Ерғалиев

НҰР-СҰЛТАН. ҚазАқпарат – 2021 жылдың 4 айында өңдеу өнеркәсібіне салынған инвестиция 2,1 есе артты. Бұл туралы ҚР Ұлттық экономика министрі Әсет Ерғалиев айтты, деп хабарлайды ҚазАқпарат тілшісі.

«Өндіруші емес салаларда жоғары инвестициялық белсенділік байқалады. Бұл экономиканың тұрақты және сапалы дамуына әртараптандыру арқылы қол жеткізуге мүмкіндік береді»,- деді ол бүгін Үкімет отырысында.

Министрдің дерегінше, кен өндіру өнеркәсібін есепке алмағанда, негізгі капиталға инвестициялардың өсуі 32,3 пайызды құрады.

«Инвестициялардың айтарлықтай өсуін өңдеу өнеркәсібі – 2,1 есе, құрылыс – 72, ауыл шаруашылығы – 66, ақпарат және байланыс – 61, сауда – 28,3, көлік – 27,6 және жылжымайтын мүлікпен операциялар 27,5 пайыз деңгейінде көрсетті», - деді Әсет Ерғалиев.