+7 (701) 759 90 19
USD 427.93 EUR 506.71
RUB 5.55 CNY 64.29
Jańalyqtar

4,3 мыңнан астам адам жұмыс күші тапшы өңірлерге қоныс аударды – Еңбек министрлігі

2020 жылғы 14 қыркүйек 11:18
Бөлісіңіз:
4,3 мыңнан астам адам жұмыс күші тапшы өңірлерге қоныс аударды – Еңбек министрлігі

НҰР-СҰЛТАН. ҚазАқпарат - 2020 жылдың 8 айында Қазақстанның жұмыс күші көп өңірлерінен жұмыс күші тапшы өңірлеріне жалпы саны 4 386 адам қоныс аударды, деп хабарлайды ҚазАқпарат ҚР Еңбек және халықты әлеуметтік қорғау министрлігінің баспасөз қызметіне сілтеме жасап.

Ұқсас жаңалықтар
70 мыңнан астам отбасы «Birgemiz» қорынан атаулы көмек алды Шардара ауданында мүмкіндігі шектеулі жандарға қамқорлық көрсетілді

Министрліктің мәліметтеріне қарағанда, қоныс аударғандардың ішінде еңбекке жарамды жастағы 2 303 адамы бар 1 273 отбасы қоныс аударды. Еңбекке жарамды отбасы мүшелерінің ішінен 1 652 адам жаңа тұрғылықты жері бойынша жұмысқа орналасты.

Нәтижелі жұмыспен қамтуды және жаппай кәсіпкерлікті дамытудың «Еңбек» мемлекеттік бағдарламасында еңбек ресурстарының ұтқырлығын ынталандыру үшін Үкімет айқындайтын өңірлерге ерікті түрде қоныс аударатын адамдарға мемлекеттік қолдау шаралары көзделген.

Алматы, Жамбыл, Маңғыстау, Түркістан, Қызылорда облыстары, сондай-ақ Нұр-Сұлтан, Алматы және Шымкент қалалары қоныс аударушылардың шығу өңірлері болып айқындалды. Қабылдау аймақтары: Ақмола, Шығыс Қазақстан, Қарағанды, Қостанай, Павлодар, Солтүстік Қазақстан облыстары.

Мемлекеттік бағдарлама аясында ерікті қоныс аударуға қатысушылар үшін субсидия түрінде мемлекеттік қолдау шаралары ұсынылады. Атап айтқанда:

- көшуге-отбасының әрбір мүшесіне 35 АЕК-тен бір жолғы төлем (92 мың теңге);

- 12 ай ішінде ай сайын 15-тен 30 АЕК-ке дейін (39 мыңнан 79 мың теңгеге дейін) тұрғын үйді жалдау (жалға алу) және коммуналдық қызметтерді төлеу бойынша шығындарды өтеу үшін отбасы мүшелерінің санына және жергілікті жерге байланысты төленеді.

Сондай-ақ қоныс аударушыларды тұрғын үймен қамтамасыз ету бойынша шаралар қабылдануда.

Солтүстік Қазақстан облысында жеке тұрғын үй құрылысының 714 нысаны салынады, Павлодар облысында қоныс аударушыларды тұрғын үймен қамтамасыз ету үшін 441 пәтер сатып алынады.

2020 жылы барлығы 5 825 адамды (1 631 отбасы) көшіру жоспарлануда.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанат Қапалбаева
Жанат Қапалбаева
954-059

MURAǴAT