USD 434.34 EUR 491.93
RUB 5.56 CNY 68.67
Jańalyqtar

340 шетелдік азамат Алматы аумағында заңсыз жүрген

2021 жылғы 13 қазан 14:45
Бөлісіңіз:
340 шетелдік азамат Алматы аумағында заңсыз жүрген

АЛМАТЫ. ҚазАқпарат – Алматы полициясы екі күні бойы құрылыс алаңдарын, жертөлелерді, базарларды, теміржол маңындағы аумақтарды, көлік тұрақтарын, саяжайлар мен өндірістік аймақтарды тексерді. Мақсат - заңсыз мигранттарды анықтау, деп хабарлайды ҚазАқпарат тілшісі.

«Келімсек» іс-шарасы барысында полицейлер келімсектердің уақытша тұратын жерлерін де тексерген.

«Екі күндік рейд кезінде ҚР көші-қон заңнамасын бұзған 507 құқық бұзушы анықталды және жауапқа тартылды, олардың 340-ы – шетел азаматтары. Сот шешімімен көрші мемлекеттердің 44 азаматы елден шығарылды», – дейді Алматы қалалық Полиция департаментінің көші-қон қызметі басқармасы бастығының орынбасары Геннадий Мен.

Сондай-ақ шетелдіктердің Қазақстан аумағында болуының заңдылығын қамтамасыз ету шараларын қабылдамағаны үшін еліміздің 145 лауазымды және заңды тұлғасы әкімшілік жауапқа тартылды.

Бұдан бөлек, шетелдік жұмыс күшін тарту ережесін бұзғаны үшін 22 жұмыс беруші де жазаланды.


Біздің каналымызға жазылыңыз:

Бөлісіңіз:

Автор:

Алма Мұқанова

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059

MURAǴAT