01:14, 14 Қаңтар 2021 | GMT +6
33 градус аяз: Ақмола облысында 1-11 сынып оқушылары мектепке бармайды
КӨКШЕТАУ. ҚазАқпарат - Қатты аяздан Ақмола облысында 1-11 сынып оқушыларына мектепте сабақ болмайды, деп хабарлайды ҚазАқпарат тілшісі.
112 құтқару қызметі таратқан ақпаратқа сенсек, 14 қаңтар, бейсенбі күні Ақмола облысында -33 градусқа дейін қатты аяз болады.
«Осыған байланысты 1-11 сынып оқушылары мектепке бармайды» делінген хабарламада.
Айта кетейік, Ақмола облыстық білім басқармасы мұндай жағдайда балалардың қашықтан оқу форматымен білім алатынын хабарлады.