-33 градус: Астанада 0-9 сынып оқушылары үйден оқиды

НҰР-СҰЛТАН. ҚазАқпарат - Елордада І ауысымдағы мектеп оқушылары сабақты онлайн оқиды, деп хабарлайды ҚазАқпарат.

«14 қаңтар күні ауа райының қолайсыздығына байланысты қала мектептерінің бірінші ауысымындағы 0-9 сынып оқушылары үшін сабақ қашықтан оқыту форматына ауысады», - делінген Нұр-Сұлтан қалалық Білім басқармасының мәліметінде.

Осы уақытта термометр бағаны -33 градусты көрсетуде.

-33 градус аязға байланысты Ақмола облысының 1-11 сынып оқушылары да бүгін онлайн білім алатын болады.