06:25, 31 Мамыр 2020 | GMT +6
31 мамырда Қарағанды, Қостанай және Шымкентте ауа сапасы нашарлайды
НҰР-СҰЛТАН. ҚазАқпарат – «Қазгидромет» РМК еліміз қалаларындағы 31 мамыр күнгі ауа сапасы туралы ақпаратты жариялады, деп хабарлайды ҚазАқпарат.
Синоптиктердің болжамынша, 31 мамырда үш қалада – Қарағанды, Қостанай және Шымкентте жайсыз метеорологиялық жағдай қалыптасып, ауа ластанады.
Қолайсыз метеорологиялық жағдайлар (ҚМЖ) - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы. ҚМЖ жағдайында елді мекендердегі атмосфералық ауаның сапасы нашарлауы ықтимал.