06:13, 30 Қаңтар 2023 | GMT +6
30 қаңтар. Қазгидрометтің күн райына жасаған болжамы
АСТАНА. ҚазАқпарат - Қазгидромет 30 қаңтарда болатын қауіпті метеорологиялық құбылыстарға болжау консультациясын жариялады, деп хабарлайды ҚазАқпарат.
Еліміздің басым бөлігі әлі де антициклон жотасының ықпалында болады, осыған байланысты көбінесе жауын-шашынсыз ауа райы сақталады. Тек ҚР солтүстік аймақтарына Солтүстік циклон жырасының әсер етуімен байланысты аздаған қар жауады, еліміздің батысында, солтүстік-батысында, оңтүстігінде, оңтүстік-шығысында тұман күтіледі.