13:10, 05 Қазан 2018 | GMT +6
3 мың Алматы тұрғыны Елбасы Жолдауын тыңдауға жиналды
АЛМАТЫ. ҚазАқпарат - Алматыда 3 мың адам Республика сарайында Елбасы Нұрсұлтан Назарбаевтың Жолдауы тікелей трансляция арқылы тыңдауға жиналды, деп хабарлайды ҚазАқпарарт тілшісі.
Мемлекет басшысының ел дамуының әлеуметтік-экономикалық саладағы маңызды мәселелері туралы сөзін әкімдік өкілдері, ҚХА мүшелері, мемлекеттік қызметшілер, мұғалімдер, дәрігерлер мен жастар тыңдады.
Белгілі болғандай, 2019 жылдың 1 қаңтарынан бастап ең төменгі жалақы деңгейі 1,5 есе өспек (28 мың теңгеден 42 мың теңгеге дейін)
Одан бөлек бюджеттік сала жұмысшыларының жалақысы 35 пайызға артпақ.
2019-2021 жылдарға осы мақсатта 96 млрд теңге бөлінетін болады.
Өз сөзінде Нұрсұлтан Назарбаев Бауыржан Байбекке Алматыны түрлендіру жолында жасаған жұмысы үшін алғыс айтты.