+7 (701) 759 90 19
USD 447.67 EUR 491.36
RUB 5.74 CNY 63.07
Jańalyqtar

3,2 мың қазақстандық ағза ауыстыру үшін кезекте тұр

2020 жылғы 24 ақпан 18:12
Бөлісіңіз:
3,2 мың қазақстандық ағза ауыстыру үшін кезекте тұр

АЛМАТЫ. ҚазАқпарат - Бүгін Алматыдағы Достық үйінде ҚР Денсаулық сақтау министрі Елжан Біртановтің қатысуымен «Халық денсаулығы және денсаулық сақтау жүйесі туралы» Кодекс жобасын талқылауға арналған «дөңгелек үстел» өтті, деп хабарлайды ҚазАқпарат тілшісі.

Ұқсас жаңалықтар

Отырыс барысында мамандар трансплантология мәселесін тілге тиек етті.

Заң жобасы бойынша жұмыс тобының төрағасы, ҚР Мәжіліс депутаты Зәуреш Аманжолова трансплантологияға қатысты жұмыс тобының позициясын жеткізді.

«Трансплантация өте керек. Бұл, медицинаның жеткен жетістігінің айғағы. Біз де Қазақстанның жеткен жетістігімен мақтануымыз керек. Бізде талантты хирургтар өте көп. Бірақ соңғы жылдары донорлық көрсеткіш төмендеп кетті. Бүгінде 3200 адам ағзасын ауыстыруға кезекте тұр. Олардың 70 пайызына бүйрек керек. 250-і балалар. Ал бізде балалар трансплантологиясы мүлде жоқ», - деді Мәжіліс депутаты.

Оның айтуынша, енді адам мүшелері шетелге жіберілмейді, жіберілсе тек Қазақстан азаматтарына ғана.

Жаңа кодекске сәйкес, өлген адамның мүшесін донорлыққа беру үшін міндетті түрде жақын туысының немесе жұбайының (ерінің) келісімі қажет етіледі.

Жұмыс тобына осы тақырыпта 1 мыңға жуық хат келген.

«2006 жылдан бастап мен басқаратын қор мұқтаж балалардың органдарын ауыстыруға ота жасауға көмектесіп келеді. Біз көбінесе шетелге шығамыз. Бірақ соңғы уақытта шетелде біздің балаларға ағзаны беруді шектей бастады. Қазір тек Үндістанға баруға болады. Бірақ ол жақта да үлкен кезек. Балалар да, үлкендер де медициналық көмек алуға, өмір сүруге құқығы бар», - деді ҚР балалар құқығын қорғау жөніндегі уәкіл Аружан Саин.

Естеріңізге сала кетейік, ҚР Мәжілісінің спикері Нұрлан Нығматулин «Nur Otan» партиясы фракциясының кеңейтілген отырысында жаңа кодекс жобасын талқыға салған болатын.

Фракцияның кеңейтілген отырысында Денсаулық сақтау кодексі жобасының әрбір нормасы жан-жақты, терең талқыланды.


Біздің каналымызға жазылыңыз:

Бөлісіңіз:

Автор:

Гүлмира Ғосманәли

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059
REDAKTOR
Алтынбек Кумарзак
Алтынбек Кумарзак
954-059

MURAǴAT