29 наурыз. ҚазАқпарат күнтізбесі
АТАУЛЫ КҮНДЕР
Құжаттар ерк індігі күні (Деректер форматы ның еркіндігі күні )
Жыл сайын наурыздың соңғы сәрсенбісінде Еуропа еркін бағдарламалық қамтамасыз ету қорының бастамасымен атап өтіледі. Пайдаланушылардың форматқа және әзірлеушіге сілтеме жасаудан еркіндігін қамтамасыз етудегі ашық форматтардың маңыздылығын көрсету үшін 2008 жылы іске қосылды. Ашық форматтардың арқасында мемлекеттік органдар, компаниялар, ұйымдар және қарапайым пайдаланушылар өздері үшін ең ыңғайлы және қолжетімді деп санайтын бағдарламаларда файлдарды кедергісіз бөлісе алады және олармен жұмыс істей алады.
Фортепиано күні
Атаулы күннің идеясы неміс пианисі Нильс Фрамға тиесілі. Күнтізбелік жылдың басынан бастап әр 88-ші күн атап өтіледі. Мұндай күнді таңдау кездейсоқ емес: қазіргі фортепиано диапазоны 7 1/3 октаваны құрайды, яғни 88 пернеден тұрады. Бұл күні фортепианода ойнайтын орындаушыларды, композиторлар мен фортепиано музыкасын бағалайтын жұртшылықты құттықтау қалыптасқан.
ЕСТЕ ҚАЛАР ОҚИҒАЛАР
1996 жылы Павлодар облысының Баянауыл ауылында Бұқар жырауға ескерткіш ашылды.
2006 жылы 1913-1918 жылдары ұлттың мұңын мұңдап, жоғын жоқтаған «Қазақ» газеті қайта шыға бастады. ХХ ғасырдың басында ұлтымыздың азаттық рухының күміс қоңырауы болып, қазақтың көзі, құлағы, үні ретінде тіл қатып, тәуелсіздік идеясын ел арасында пәрменділікпен насихаттаған «Қазақ» газеті Алаштың ұлдары Әлихан, Ахмет, Міржақыптардың істерін жалғастыруды мақсат тұтқан.
2012 жылы Украинадан бірегей құжат алынды – онда Сливута қаласы маңындағы «Гросслазарет» неміс лагерінің қабырғасында қаза тапқан қазақстандық жауынгерлер тізімі болды. Олардың барлығы ресми түрде із-түзсіз жоғалғандар болып есептелініп келген еді.
2013 жылы Алматыда Асфендияров атындағы Қазақ ұлттық медицина университетінің профессорлық клиникасында еліміздегі алғашқы Диабет орталығы және онда құрылған мектеп ашылды.
2014 жылы Алматыда Абай атындағы Мемлекеттік академиялық опера және балет театрында қазақтың тұңғыш комедиялық «Айсұлу» операсы қойылды. Операны алғаш 1964 жылы Алматыда режиссер Қаукен Кенжетаев қойған болатын. Серке рөлін Ермек Серкебаев, ал Айсұлу рөлін Роза Жаманова сомдаған.
2014 жылы Хельсинкидегі Финляндия Ұлттық архивінің бас директоры Юсси Нуортева ҚР Мәдениет министрлігінің өкіліне жария етілген деректерді тапсырды. Онда 1941-1945 жылдары Финляндия аумағында болған 27 қазақстандық әскери тұтқынның тіркеу карточкалары түріндегі құпиясыз етілген мәліметтер қамтылған.
2016 жылы Қазақстанның Түркиядағы елшілігі ТҮРКСОЙ ұйымымен ынтымақтастықта «Hüzün Kuşağı» (Ұлы дала әңгімелері) деген атпен түрік тілінде қазақстандық 25 автордың шығармалар жинағын баспадан шығарды.
2017 жылы Баку мемлекеттік университетінде қазақтың ұлы ақыны, философ, жазушы Абайдың әзербайжан тіліндегі шығармалар жинағы таныстырылды. Оған Абайдың әзербайжан тіліне бұрын аударылған 3 поэмасы мен 68 өлеңі, сондай-ақ жаңадан аударылған «Қара сөздері» енгізілді.
2017 жылы әнші Димаш Құдайбергеннің фотосы Нью-Йорк қаласының Манхэттен ауданында орналасқан Тайм Сквер алаңындағы үлкен LED экранға шықты. 101 FM радиосы танымал жұлдыздар арасында осы құрметке ие болу үшін бәйге жариялаған болатын.
2017 жылы Қазақстан Миланда өткен Африка, Азия және Латын Америкасы фильмдерінің фестиваліне алғаш рет қатысып, италиялық ұлы саяхатшы туралы «Марко Полоның Жібек жолы» атты ғылыми-көпшілік фильмді ұсынды. Жиһанкез өзінің Азияға саяхатының тарихын әйгілі «Әлемнің әртүрлілігі туралы кітапта» сипаттады. Фильм кинофестивальдің арнайы жүлдесіне ие болды.
2021 жылы Қазақстанда алғаш рет «Қазақстанның еңбек сіңірген ұстазы» мемлекеттік наградасы тағайындалды. Қазақстан Республикасы Президентінің жарлығымен еліміздің барлық аймақтарынан 20-дан астам еңбек сіңірген ұстаздар мемлекеттік сыйлықтың алғашқы иегерлері атанды. «Қазақстанның еңбек сіңірген ұстазы» құрметті атағы ұстаздарға ерекше жетістіктері мен мемлекет алдындағы ерекше қызметтері үшін беріледі.
2022 жылыЖезқазған тарихи-археологиялық мұражайына әнші, композитор және ҚР еңбек сіңірген мәдениет қызметкері Жақсыгелді Сейіловтің жеке заттары тапсырылды. 25 жыл бойы жеке коллекцияларында сақталған Жақсыгелді Сейіловтың баянын, 42 жыл бойы отбасының жәдігері саналған дипломатын Астанадан, Қарағандыдан келген қонақтар Мәди Артығалиев пен Әли Тойжігіт музейге табыс етті.
2022 жылы DAZN стримингтік сервисі өзінің твиттерінде Азиядағы ең танымал боксшылардың бестігін ұсынды. Қазақстаннан ТОП-5-ке Геннадий Головкин кірді.
2022 жылы Наурыз мейрамын тойлау аясында Брюссель мен Люксембургте салтанатты іс-шаралар өтті. Онда заманауи қазақ мәдениеті, ұлттық зергерлік бұйымдар мен қазақ шығармашылық топтарының өнімі ұсынылды. Танымал Muse of Nomad журналының бірінші саны қазіргі Қазақстан халқының дәстүрі, өмір салты, мәдениетіне және қазақтың сән әлеміне арналды.