28 мың алматылық «Спутник-V» вакцинасының 2 компонентін салдырды

АЛМАТЫ. ҚазАқпарат – Алматыда бір тәулікте 3504 адам коронавирус вакцинасын салдырды, деп хабарлайды ҚазАқпарат тілшісі.

«3 мамыр күні 3504 алматылық вакцина салдырды. Сонымен қатар, 25 наурыздан бері 2 484 адам QazVac вакцинасын алды», - деп хабарлады қалалық Қоғамдық денсаулық сақтау басқармасының баспасөз қызметінен.

Биылғы жылдың 1 ақпаны мен 4мамыр аралығында қалада барлығы 226 258 адамға екпе салынды. «Спутник-V» вакцинасының 2 компонентін 28 066 адам алды.

Бүгінгі күні қалада 211 пункт жұмыс істеп тұр. 1 809 адамнан тұратын 402 егу бригадасы бар. Сонымен қатар, 40 көшпелі мобильді бригада ұйымдастырылды.