28 қаңтарда бес қалада ауа сапасы нашарлайды

НҰР-СҰЛТАН. ҚазАқпарат – «Қазгидромет» республикалық мемлекеттік кәсіпорны 28 қаңтар, жұма күнгі Қазақстан қалаларындағы ауа сапасына болжамын жариялады, деп хабарлайды ҚазАқпарат.

Ведомство ұсынған мәліметке сенсек, бүгін, 28 қаңтарда Нұр-Сұлтан, Алматы, Қарағанды, Көкшетау, Теміртау қалаларында қолайсыз метеорологиялық жағдай қалыптасады.

Ал Риддер, Семей және Өскемен қалаларында ауа сапасының бұзылуының екінші дәрежелі деңгейі байқалады.

Басқа қалаларда метеожағдай бірқалыпты болады.

Қолайсыз метеорологиялық жағдай - атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.

Қолайсыз метеорологиялық жағдай кезінде елдімекендердегі атмосфералық ауаның сапасы нашарлауы ықтимал.