27 қыркүйек. Тұлғалар туған күн
ЕСІМДЕР
59 жыл бұрын (1963) Қазақстан Республикасы Кәсіподақтар федерациясы төрағасының бірінші орынбасары Мұхтар Бәкірұлы ТІНІКЕЕВ дүниеге келді.
Қарағандыда туған. Қарағанды мемлекеттік техникалық университетін тау-кен инженер-құрылысшы мамандығы бойынша және Е.А. Бөкетов атындағы Қарағанды мемлекеттік университетін заңгер мамандығы бойынша бітірген. Қарағанды техникалық университетінің техника ғылымдарының құрметті докторы. Еңбек жолы: 1980-1981 жылдары – «Қарағанды көмір» ӨБ № 22 шахтасында электр слесарь, 1981-1983 жылдары –әскери қызмет, взвод командирінің орынбасары, Польша Халық Республикасында Солтүстік әскерлер тобы, 1983-1990 жылдары – «Қарағанды көмір» ӨБ «Киров» шахтасының № 4 учаскесінде тазалау кенішінің тау-кен жұмысшысы, 1990-1993 жылдары – ХІІ сайланған Қазақ КСР Жоғарғы Кеңесінің халық депутаты. 1994-1995 жылдары – ХІІІ сайланған Қазақ КСР Жоғарғы Кеңесінің депутаты. 2002-2004 жылдары – ІІ сайланған Қазақстан Республикасы Парламенті Мәжілісінің депутаты. 2004-2007 жылдары – ІІІ сайланған Қазақстан Республикасы Парламенті Мәжілісінің депутаты. 2007-2011 жылдары – ІV сайланған Қазақстан Республикасы Парламенті Мәжілісінің депутаты. 2012 жылғы 20 қаңтардан бастап V сайланған Қазақстан Республикасы Парламенті Мәжілісінің депутаты.
Қазіргі қызметінде – 2017 жылдың желтоқсанынан.
46 жыл бұрын (1976) Нұр-Сұлтан қаласы әкімдігінің Әдеп жөніндегі уәкілі Руслан Рахметұлы СЕГІЗБАЕВ дүниеге келді.
Алматы қаласында туған. 1998 жылы Қазақ мемлекеттік басқару академиясын, 2008 жылы Еуразия нарық институтын бітірген.
Еңбек жолы: 1999-2007 жылдары – ҚР Статистика агенттігінің Ауыл, орман және су шаруашылығы басқармасы бөлімінің жетекші маманы. 2007-2009 жылдары – ҚР Статистика агенттігі ұлттық есеп жүргізу департаменті экономикалық баланс және құрылымдық статистика басқармасының құрылымдық статистика бөлімінің бастығы. 2009-2012 жылдары – Қазақстан Республикасы Статистика агенттігі Тіркелімдер және сыныптамалар департаменті әлеуметтік есепке алу бөлімінің бас маманы. 2012-2013 жылдары – Қазақстан Республикасы Президенті Әкімшілігі Стратегиялық зерттеулер және талдау орталығының сарапшысы. 2014-2014 жылдары – Қазақстан Республикасы Премьер-Министрі орынбасарының кеңесшісі. 2014-2016 жылдары – Қазақстан Республикасы Қаржы министрлігі Мемлекеттік қаржы есебі және статистика жөніндегі директордың орынбасары. 2016-2017 жылдары – Қазақстан Республикасы Қаржы министрлігі Стратегиялық даму департаментінің директоры. 2017-2018 жылдары – Қазақстан Республикасы Қаржы министрлігі Кадрлық менеджмент және стратегия департаментінің директоры.
Қазіргі қызметінде 2018 жылдың қарашасынан бастап.
40 жыл бұрын (1982) Қазақстан Республикасының Индустрия және инфрақұрылымдық даму вице-министрі Динара Ринатқызы ЩЕГЛОВА дүниеге келді.
Семей қаласында дүниеге келген. Л. Н. Гумилев атындағы Еуразия ұлттық университетін бітірген, халықаралық құқық (2004); Қазақ экономикалық университеті, менеджмент (2007); Қазақ экономикалық университеті, ақпараттық жүйелер (2011).
Еңбек жолы: «IT Research Center» ЖШС жоба менеджері (2001-2004); Қазақстан Республикасы ақпараттандыру және байланыс агенттігінде ақпараттандыру департаментінің жетекші маманы (2004-2006); «Futurtech халықаралық ақпараттық технологиялар институты» ЖШС бас директорының орынбасары (2006-2008); IBM компаниясының Қазақстандағы өкілдігінде сату бөлімінің басшысы (2008-2011); «Ұлттық инфокоммуникациялық Холдинг» АҚ ақпараттандырудың сервистік моделі департаментінің директоры, инфрақұрылымдық жобалар мониторингі департаментінің бас менеджері; «Зерде» ұлттық инфокоммуникация холдингі» АҚ басқарушы директоры (2017-2018); «Зерде» ұлттық инфокоммуникация холдингі» АҚ төрағасының орынбасары – басқарма мүшесі (01.2018-06.2018); Қазақстан Республикасының ақпарат және коммуникациялар вице-министрі (2018-2019); Қазақстан Республикасы Премьер-Министрінің кеңесшісі 2019-2020).
Қазіргі қызметінде – 2020 жылдың ақпан айынан бері.