26 наурыз. Тұлғалар туған күн
Қызылорда облысы Шиелі ауданында туған. Әлеуметтік мазмұндағы өлең-толғауларымен («Сараң байға», «Мырзалық емес», «Жесір дауы», «Бір қойшыға», «Сүйінші», «Сыр», «Ақ алтынды аймағым», «Колхозшыларға», «Мұзбалақтар») Сыр бойына жас кезінен танымал болады. Бүкілодақтық ауыл шаруашылық көрмесінің ашылу құрметіне арналған этнографиялық концертке, қазақ әдебиеті мен өнерінің онкүндігіне, республикалық ақындар айтыстарына қатысқан Ұлы Отан соғысы жылдарында арнаулы концерттік бригада ұйымдастырып, халықтың рухын көтеруге белсене ат салысты. Бекежанов сырнаймен, домбырамен ән, терме, толғау, жыр айту, айтыс дәстүрін дамытқан, өзінің бірегей ән-жыр мектебін қалыптастырған сазгер, ақын, халық әндерін және өз әндерін орындау шеберлігімен қазақ өнерінің тарихында қалған. Оның «Толқын», «Нартай сазы», «Ахау, жалған», «Нартайдың әні», т.б. әндері ұлттық ән өнерінің алтын қорына қосылды. Шығармалары «Домбыра сазы», «Өлеңдері мен айтыстары», «Өсиет», «Аманат» деген атпен жеке кітап болып жарық көрді. «Құрмет белгісі» орденімен, медальдармен марапатталған. Қызылорда облысының қазақ драма театрына Бекежанов есімі берілген. Осы облыстың Шиелі ауданында Бекежанов ауылы бар.
Семей қаласында туған. 1944 жылы соғыстан оралғаннан кейін, Қазақ радиосына диктор болып орналасқан. Алғаш эфирге шағын хабарландыру оқудан бастап, өмірінің соңына дейін Қазақ радиосында, теледидарында диктор, аға диктор қызметтерін атқарған. Эфир арқылы берілген республиканың тыныс тіршілігі жайлы әртүрлі жаңалықтар, саяси хабарлар ұзақ жылдар бойы мыңдаған тыңдаушыларға Ә.Байжанбаевтың ашық та әуезді, кең тынысты үнімен жетті. Ол тұрған үйге мемориалдық тақта орнатылған. 1-ші дәрежелі «Отан соғысы» орденімен марапатталған.
Гурьев облысында туған. 1988 жылы Гурьев педагогикалық институтын, 1995 жылы әл-Фараби атындағы Қазақ мемлекеттік ұлттық университетін бітірген.
Еңбек жолы: 1981-1983 жылдары – «Ленин жолы» газетінің фототілшісі. 1988-1992 жылдары – СПТУ комсомол комитетінің хатшысы, бөлім меңгерушісі, ЛКЖО-СМЖ Теңіз аудандық комитетінің бірінші хатшысы. 1992-199- жылдары – Теңіз аудандық кеңесінің аға заңгері. 1993-2002 жылдары – Құрманғазы ауданы прокурорының көмекшісі, Атырау облысы прокуратурасының аға прокуроры, Атырау қаласы прокурорының орынбасары, Атырау облысы прокуратурасының бөлім басшысы. 2002-2004 жылдары – Атырау облысы әкімігінің мемлекеттік-құқықтық және әскери-жұмылдыру жұмысы бөлімінің меңгерушісі, Атырау облысы әкімі аппараты басшысының орынбасары. 2004-2005 жылдары – Атырау облысы тәртіптік кеңесінің төрағасы. 2005-2006 жылдары – Атырау облысы әкімі аппаратының басшысы. 2006 жылдың ақпан-қазан аралығында – Жылыой ауданының әкімі. 2006-2008 жылдары – Атырау облысы әкімінің бірінші орынбасары. 2008-2020 жылдары – Қазақстан Республикасы Парламенті Сенатының депутаты, Экономикалық саясат, инновациялық даму және кәсіпкерлік комитетінің хатшысы. Қазақстан Республикасы экология, геология және табиғи ресурстар министрінің кеңесшісі (2020 жылдан бастап).
«Құрмет» орденімен, «Қазақстан Конституциясына 10 жыл», «Қазақстан Парламентіне 10 жыл» медальдарымен марапатталған.
Солтүстік Қазақстан облысы Жамбыл ауданында туған. Целиноград инженерлік-құрылыс институтын бітірген.
1984-1986 жылдары - КСРО Қарулы күштер қатарында қызметте болған. 1990-1995 жылдары - «Целинограджилстрой» өндірістік құрылыс ұйымында, 1995-1998 жылдары - Целина теміржол басқармасында, 1998-2000 жылдары - «Қалалық коммуналды қожалық» МКК КҚБ-ның бөлім бастығы, бастығының орынбасары. 2000-2005 жылдары - Коммуналды қожалық департаментінің директоры. 2005-2006 жылдары Астана қаласы Энергетика және коммуналды қожалық департаментінің директоры қызметтерін атқарған. Астана қаласы әкімінің бірінші орынбасары (2006-2019).
2019 жылдың ақпанынан бастап - қазіргі қызметінде.
«Құрмет» орденімен және медальдармен марапатталған.
Шығыс Қазақстан облысының Семей қаласында туған. Ф.Э. Дзержинский атындағы Жоғары шекара командалық училищесін бітірген (1987).
Шекара заставасы бастығының орынбасары, өңірлік басқарма бастығының орынбасары, өңірлік басқарма шекаралық бөлімшелері қолбасшысының орынбасары, Қазақстан Республикасы Ұлттық қауіпсіздік комитеті Шекара қызметінің бас штабы бастығы - директордың бірінші орынбасары лауазымдарында офицерлік қызмет атқарған.
2022 жылдың мамыр айынан бастап қазіргі қызметінде.
Орден және медальдармен марапатталған.
Оңтүстік Қазақстан облысында туған. С. Сейфуллин атындағы Ақмола ауыл шаруашылығы институтын экономист-менеджер (1996); Қазақ гуманитарлық-заң университетін заңгер (2003) мамандықтары бойынша бітірген.
Еңбек жолы: Келес ауданы «Коммунизм» бөлімшесінің жұмысшысы (1991); Келес ауданы «Келес» МҚК аға экономисі, Ақмола облысы «Кураков и Ко» ЖШС есепшісі (1996-1999); мемлекеттік мекемелердегі бюджеттік процедуралардың орындалуын бақылау басқармасының жетекші, бас бақылаушы-ревизоры (2000-2002); Қазақстан Республикасы Президенті Іс басқармасының бюджеттік жоспарлау және қаржылық бақылау бөлімінде референт, консультант, бас сарапшы және сектор меңгерушісі (2002-2006); Астана қаласы әкімдігінің «Жылу» МҚК директоры (08.2006-12.2006); Қазақстан Республикасының Жоғарғы сотының жанындағы Сот әкімшілендіру комитетінде жұмыс істеген (2007); Қазақстан Республикасы Білім және ғылым министрлігінің Ғылым комитеті төрағасының орынбасары, қаржы департаменті директорының орынбасары, бюджет департаменті директорының орынбасары (2007-2010); Қазақстан Республикасы Ұлттық қауіпсіздік комитеті департаментінің бастығы (2010-2011); Қазақстан Республикасы Премьер-Министрі кеңсесінің әлеуметтік-экономика бөлімі меңгерушісінің орынбасары (2011-2013); Шымкент қаласының әкімі (2013-2015); Оңтүстік Қазақстан облысы әкімінің бірінші орынбасары (2015-2017); Қазақстан Республикасы Парламенті Сенатының депутаты, Әлеуметтік-мәдени даму және ғылым тұрақты комитетінің мүшесі (2018-2019).
2022 жылдың тамыз айынан бастап қазіргі қызметінде. «Ерен еңбегі үшін», «Астананың 10 жылдығы», «Облыс алдындағы қызметтері үшін» медальдарымен марапатталған.
44 жыл бұрын (1979) Қазақстан Республикасы Президенті Әкімшілігі Басшысының орынбасары Ернар Жеңісұлы БАСПАЕВ дүниеге келді.
Гурьев (қазіргі Атырау қаласы) қаласында туған. Қазақ мемлекеттік заң академиясын құқықтану мамандығы бойынша бітірген (2000); Х.Досмұхамедов атындағы Атырау мемлекеттік университеті, экономика және бизнес бакалавры.
Еңбек жолы: Қазақстан Республикасы Әділет министрлігі Зияткерлік меншік құқығы комитетінің жетекші, бас маманы, бөлім бастығының орынбасары (2001-2005); Қазақстан Республикасы Әділет министрлігі Тіркеу қызметі комитеті департаменті бастығының орынбасары (2005-2006); Қазақстан Республикасы Жоғарғы Сотының жанындағы Сот әкімшілігі комитетінің бөлім меңгерушісі, бөлім меңгерушісі (2006-2007); сектор меңгерушісі, ұйымдастыру-талдау бөлімі бастығының орынбасары, Қазақстан Республикасы Қарулы Күштері аппаратының сот мониторингі департаменті бастығының орынбасары (2007-2010); Атырау облысы Әділет департаментінің басшысы (2010-2013); Атырау облысы әкімі аппаратының басшысы (2013-2019); Қазақстан Республикасы Президенті Әкімшілігінің мемлекеттік инспекторы (2019-2022); Қазақстан Республикасы Президенті Әкімшілігінің Өтініштерді қарауды бақылау бөлімінің меңгерушісі (04.2022-12.2022).
2022 жылдың желтоқсан айынан бастап қазіргі қызметінде.