26 мамырда өтетін маңызды шаралар аңдатпасы
НҰР-СҰЛТАН
9.30-да Rixos President қонақ үйінде кәсіпкерлер палатасы жанындағы Өңірлік кеңестің елорда бизнес-қоғамдастығы алдында есептік кездесуі өтеді.
10.00-де ҚР Парламенті Сенатының отырысы өтеді.
11.00-де «AMANAT» партиясы өкілдерінің «Үркер» алабының тұрғындарымен арнайы кездесу өткізеді. Партия өкілдері Ата Заңға енгізілетін өзгерістер мен толықтырулар жайында «Үркер» тұрғын алабында ақпараттық-түсіндірме жұмыстарын жүргізеді.
11.00-де ҚР Ішкі істер министрлігі «Интернет-алаяқтыққа қарсы күрес туралы» онлайн-брифинг өткізеді. Спикер: ҚР ІІМ Криминалдық полиция департаменті бастығының орынбасары Серік Шалқаров.
11.00-де ҚР Сыбайлас жемқорлыққа қарсы іс-қимыл агенттігі M.S. Narikbaev atyndaǵy KAZGUU Universiteti-мен бірлесіп, «Сыбайлас жемқорлыққа қарсы ғылыми сараптаманы жетілдірудің өзекті мәселелері» атты халықаралық форум-семинар ұйымдастырады. Кездесу гибридті форматта өтеді.
13.00-де Әл-Фараби атындағы Оқушылар сарайында Нұр-Сұлтан қаласы әкімдігі жанындағы «Қоғамдық келісім» КММ ұйымдастыруымен «Алтын күн» V балалар патриоттық әндер фестивалінің финалы өтеді.
14.30-да «EXPO» халықаралық көрме орталығында KIOSH-2022 – Еңбекті қорғау және өнеркәсіптік қауіпсіздік бойынша Х Қазақстандық халықаралық конференция және көрме өтеді.
19.00-де Қ. Қуанышбаев атындағы мемлекеттік академиялық қазақ музыкалық-драма театрында «Күзгі іңір» трагикомедиясы көрсетіледі.
19.00-де Жас көрермендердің музыкалық театрында «Абай-Тоғжан» музыкалық драмасы қойылады.