25 тамызға дейін магистратураға түскендер тізімі жарияланады
2022 жылғы 18 тамыз 15:46

25 тамызға дейін магистратураға түскендер тізімі жарияланады

НҰР-СҰЛТАН. ҚазАқпарат – Магистратураға түскендердің тізімі алдағы аптада жарияланады, деп хабарлайды ҚазАқпарат тілшісі.

«Магистратурада білім алуға бүгінде республика бойынша 17 мыңға жуық адамнан өтініш келіп түсті. Грант иегерлерінің тізімі Ғылым және жоғары білім министрлігінің телеграм-каналында 25-тамызға дейін жарияланады», - делінген аталған ведомствоның мәліметінде.

Сонымен қатар қазіргі кезде докторантураға түсу емтихандары жүріп жатыр. Бұл емтихандар 20 тамызға дейін жалғасады. Емтихан нәтижесі келесі күні докторантураға түсетін адамның «Жеке кабинетінде» жарияланады. Ал апелляцияға арналған өтініш нәтиже жарияланғаннан кейін келесі күні аймақтық тестілеу орталықтары базасында қабылданады.

Бұдан бұрын хабарланғандай, магистратураға білім беру грантын тағайындау конкурсы 16-20 тамыз аралығында өтеді. Жалпы 2022-2023 оқу жылына магистратура бойынша 13 мыңнан астам грант бөлінді.

Осы аптаның басында елімізде докторантураға түсу емтихандары басталды.


Серіктестер жаңалықтары

Jańalyqtar

Үрдіс

MURAǴAT