+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

25-30 жастағы мамандарға жол беру керек - Нұрсұлтан Назарбаев

2017 жылғы 6 желтоқсан 14:29
Бөлісіңіз:
25-30 жастағы мамандарға жол беру керек - Нұрсұлтан Назарбаев

АСТАНА. ҚазАқпарат - ҚР Президенті Нұрсұлтан Назарбаевтың айтуынша, технологиялық жаңғыртуды ойдағыдай атқару үшін адам капиталын дамыту қажет. Кәсіби мамандарды тірнектеп жүріп жинау керек. Онсыз алға қойылған мақсаттарды іске асыру мүмкін емес, деп хабарлайды ҚазАқпарат тілшісі.

«Бізде білім саласы да, ғылым саласы да индустрияландыру мақсаттарына сай болуы қажет. Кәсіби әрі білікті мамандар болмаса, ешқандай индустрияландыру да, цифрландыру да болмайды. Ал ондай мамандарды тірнектеп жүріп жинап, нақты мақсаттарға жұмылдыру керек. Олардың ойлап тапқан технологияларын қолданысқа енгізген жөн. «Болашақ» бағдарламасы да, Назарбаев университеті де, жалпы барлық университеттер соған жұмыс істеуі керек. Зияткерлік мектептер дарынды балаларды іріктеп жатыр. Негізі, қазір жұмысты 25-30 жастағы азаматтарға беру керек. Одан қорқатын ештеңе жоқ. Бәрімізді алға жетелейтін солар. Кедергі жасамай, оларға жол беру керек», - деді Президент бүгін жалпыұлттық телекөпір кезінде.

Мемлекет басшысы «100 жаңа есім» жобасын да еске алып, дарынды жастарды қолдау мәселесіне тоқталды.

«Жақында мен «100 жаңа есім» жобасына кірген азаматтармен кездестім. Онда мен мүлдем басқа адамдарды көрдім, олар заман талабына сай ойлайды, көзқарасы да басқаша. 18-20 жастағы балалар ойға келмейтін нәрселерді жасап жүр. Мысалы, бір жігіт университет жертөлесінде отырып, арнайы розетканы ойлап тапты. Соның арқасында энергияның 30 пайызын үнемдеуге болады. Шетелде оны бірден байқайтын еді», - деп атап көрсетті Нұрсұлтан Әбішұлы.

Айта кетейік, Президенті Нұрсұлтан Назарбаев шетелдегі қаржыны қайтаруға қатысты арнайы заңнаманы да әзірлеуді тапсырды. Аталған міндет Үкімет басшысы Бақытжан Сағынтаевқа жүктелді.

Біздің каналымызға жазылыңыз:

Бөлісіңіз:

Автор:

Арман Асқаров

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059

MURAǴAT