+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

23 шілде ел аумағында жаңбыр жауып, жел күшейеді

2021 жылғы 23 шілде 02:20
Бөлісіңіз:
23 шілде ел аумағында жаңбыр жауып, жел күшейеді

НҰР-СҰЛТАН. ҚазАқпарат - «Қазгидромет» болжамына сенсек, ертең 23 шілдеде республиканың басым бөлігінде атмосфералық фронттардың әсерінен тұрақсыз ауа райы сақталады. Ел аумағында жаңбыр, батыста нөсер жауын жауады, деп хабарлайды ҚазАқпарат.

Ұқсас жаңалықтар
Тамыз айында бірнеше өңірде 38 градусқа дейін ыстық болады - ҚР ТЖМ Қазақстанда алдағы үш тәулікте күн райы қандай болады Шілденің соңғы күндері Қазақстанда ауа райы қандай болады

Тек еліміздің солтүстігі мен оңтүстігінде жауын-шашын жаумайды, күн ашық болады.

Батыста және оңтүстікте кей жерлерде шаңды дауыл күшейеді, республиканың батысы мен шығысында бұршақ жауады.

Батыс Қазақстан облысының кей жерлерінде бұршақ жауып, дауыл тұрады. Жел екпіні - 15-20 м/с.

Шығыс Қазақстан, Қарағанды, Алматы, күндіз Солтүстік Қазақстан, Қостанай облыстарының кей жерлерінде жел қарқыны 15-20 м/с дейін күшейеді.

Күндіз Шығыс Қазақстан облысының кей жерлерінде бұршақ жауады.

Маңғыстау облысының кей жерлерінде тұман түседі, күндіз жел жылдамдығы секундына 15-20 метрге жетеді.

Күндіз Алматы, Жамбыл, Ақтөбе, Атырау, Қостанай, Маңғыстау облыстарының басым бөлігінде, Қарағанды облысының оңтүстігінде қатты ыстық сақталады. Ақмола, Солтүстік Қазақстан, Қызылорда облыстарының басым бөлігінде, Түркістан облысының кей жерлерінде аптап ыстық болады.

Қызылорда, Түркістан, Маңғыстау, Жамбыл облыстарының басым бөлігінде, Алматы, Атырау, Батыс Қазақстан, Ақтөбе, Қостанай, Қарағанды, Ақмола облыстарының кей жерлерінде, Шығыс Қазақстан облысының оңтүстігінде төтенше өрт қаупі сақталады.

Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059

MURAǴAT