23 маусым. Туған күн иелері
2022 жылғы 23 маусым 08:15

23 маусым. Туған күн иелері

НҰР-СҰЛТАН. ҚазАқпарат – ҚазАқпарат сәрсенбі 23 маусымға арналған «Туған күн иелері» күнтізбесін ұсынады.

ЕСІМДЕР


81 жыл бұрын (1941) Қазақстанның еңбек сіңірген өнер қайраткері, «Платиналы Тарлан» тәуелсіз сыйлығының лауреаты Есмұхан Несіпбайұлы ОБАЕВ дүниеге келді.

Алматы облысының Райымбек ауданында туған. Алматы мемлекеттік консерваториясын, Мәскеудегі Максим Горький атындағы академиялық театр курсын бітірген. Мұхтар Әуезов атындағы академиялық драма театрының, Ғабит Мүсірепов атындағы Балалар мен жасөспірімдер театрының қоюшы режиссері, Абай атындағы Семей облыстық музыкалық драма театрының көркемдік жетекшісі, Қазақ мемлекеттік театр және кино институтының ректоры болған.

1995-2001 жылдары Қазақстан Республикасы Мәдениет министрінің орынбасары, Мәдениет комитеті төрағасының орынбасары қызметтерін атқарған. Режиссер ретінде З. Ақышевтің «Жаяу Мұса», Тахауи Ахтановтың «Боран», М. Кәрімнің «Ай тұтылған түн», Ш. Құсайыновтың «Сертке серт», Қ. Мұхамеджановтың «Өзіме де сол керек», Сәбит Мұқановтың «Ботагөз» және «Қашқар қызы», Бейімбет Майлиннің «Шұға», Роллан Сейсенбаевпен бірлесіп жазған «Өзімді іздеп жүрмін» және Әкім Таразидің «Індет» спектакльдерін қойды. Семей музыкалық драма театрының бас режиссері болып, осы театр сахнасына бірқатар спектакльдер шығарды: Мұхтар Әуезовтің «Айман-Шолпан», «Еңлік-Кебек», «Абай», «Қарагөз», Ғабит Мүсіреповтің «Ақан сері-Ақтоқты», Евгений Брусиловский мен Ғабит Мүсіреповтің «Қыз Жібек», Тахауи Ахтановтың «Күшік күйеу», Сафуан Шаймерденовтің «Әнім сен едің», Е. Рахмадиев пен Ғабит Мүсіреповтің «Қайран, Майра», Дулат Исабековтің «Әпке» мен «Ертеңді күту», О. Бодықовтың «Қош бол, Бөрібасар», М. Сәрсекеевтің «Жарылыс», Қалтай Мұхамеджановтың «Комиссар Ғаббасов», Ж. Файзидің «Башмағым», Ф. Эрвенің «Түлкі бикеш» спектакльдері бар.

«Парасат» орденімен марапатталған. Ол Германияда, Үндістанда, Кореяда, Қытайда, Ресейде, Өзбекстанда, Қырғызстанда және тағы басқа елдерде өткен қазақ өнерінің мәдени күндеріне шығармашылық жетекшілік жасаған.

71 жыл бұрын (1951) Қазақстан Республикасы Қарулы күштері жоғары қолбасшылығының өкілі, контр-адмирал Ратмир Әлімханұлы КОМРАТОВ дүниеге келді.

Қазіргі Тараз қаласында дүниеге келді. Севастополь жоғарғы Әскери-теңіз инженер училищесін (1973), адмирал Кузнецов атындағы Әскери-теңіз академиясын (1990) бітірген. 1973-1982 жылдары Камчаткадағы (Ресей) 2-ші Флотилияның стратегиялық мақсаттағы ракеталық сүңгуір қайықтарында түрлі лауазымдық қызметтер атқарған.

Еңбек жолы: КСРО ӘМФ қызметі (1973-1992 жж.); ҚР Қорғаныс өнеркәсібі жоспарлы-экономикалық басқармасының бастығы (1992 ж); ҚР Қорғаныс өнеркәсібі басқармасы бастығының орынбасары (1993 ж); әскери-теңіз базасының командирі, Әскери-теңіз базасы қолбасшысының қару-жарақ және кеме жасау жөніндегі орынбасары – ҚР ӘТК қару-жарақ және кеме жасау басқармасының бастығы, ҚР ӘТК қолбасшысы, 1-ші әскери-теңіз базасының командирі, ҚР ҚМ Бас әскери инспекциясының генерал-инспекторы (1993-2001 жж.); Маңғыстау облысы әкімінің орынбасары; Батыс әскери округінің әскер қолбасшысы (2002 ж); «Батыс» өңірлік қолбасшылығы әскерлерінің қолбасшысы (2003-2008 жж.); ҚР ӘТК Бас Қолбасшысы (2008 жылдың қарашасынан бастап); Қазақстан Республикасы Қорғаныс министрінің орынбасары (2009 ж); «Қазақстан инжиниринг» ҰК» АҚ Басқарушы директоры, Басқарма төрағасының бірінші орынбасары (2010-2011 жж.); «Маңғыстау облысының кеме жөндеу зауыты« ЖШС Бас директоры (2011-2015 жж.); «Қазақстан инжиниринг» ҰК» АҚ департамент директоры (2015-2018 жж.); Киров атындағы зауыттың бас директорының орынбасары (2018-2019 жж.); «Қазақстан инжиниринг» ҰК» АҚ Басқарушы директоры, Басқарма мүшесі (2019-2020 жж.)

2-ші дәрежелі Даңқ орденімен,19 КСРО және ҚР медальдарымен марапатталған.

55 жыл бұрын (1967) Қазақстан Республикасы Ұлттық қауіпсіздік комитеті Шекара қызметі «Солтүстік» өңірлік департаментінің бастығы Мұхтар Солтанбекұлы САБИДОЛДАНОВ дүниеге келді.

Шығыс Қазақстан облысының Зайсан қаласында дүниеге келген. M.В. Фрунзе атындағы Омбы жоғары жалпы әскери командалық училищесін (1991), Қазақстан Республикасының Ұлттық қорғаныс университетін (2005) бітірді.

Офицерлік қызметте взвод командирі, материалдық-техникалық қамтамасыз ету басшысының орынбасары, автомобиль және бронетанкілік қызметтің басшысы, Өңірлік басқарма басшысының орынбасары, ҚР ҰҚК Шекара қызметі директорының орынбасары лауазымдарын атқарды.

2018 жылдың мамыр айынан бастап қазіргі қызметінде.

45 жыл бұрын (1977) Қазақстан Республикасы Президент Әкімшілігінің мемлекеттік инспекторы Абзал Меңдібайұлы МЕҢДІБАЕВ дүниеге келді.

Қ.И. Сәтпаев атындағы Қазақ ұлттық техникалық университетін тау-кен инженері мамандығы бойынша, «Қайнар» университетін халықаралық экономист мамандығы бойынша тәмамдаған.

Еңбек жолы: 1996-1997 жылдары – «Өзенмұнайгаз» АҚ МГӨБ №1, № 8 мұнай кәсіпшілігінің төртінші дәрежелі мұнай және газ өндіру операторы. 1997-1998 жылдары – «Өзенмұнайгаз» АҚ МГӨБ № 1, мұнай және газ өндіру шебері. 1999-2000 жылдары – «Өзенмұнайгаз» АҚ МГӨБ №1, №8 Мұнай кәсіпшілігі бастығының орынбасары. 2000-2001 жылдары – «Өзенмұнайгаз» АҚ МГӨБ №1, тәжірибелік-эксперименттік өндірістік басқармасының жетекші инженер-технологы (ЭББ), мұнай және газ өндіру, қабаттық қысымды ұстап тұру цехының басшысы. 2001-2004 жылдары – «Өзенмұнайгаз» ААҚ, Мұнай және газ өндіру департаментінің жетекші инженері. 2004-2005 жылдары – «Өзенмұнайгаз» ААҚ, Мұнай және газ өндіру департаменті директорының орынбасары. 2005-2006 жылдары – «ҚазМұнайГаз» БӨ» АҚ, Инновациялық технологиялар департаментінің бас менеджері. 2006-2008 жылдары – «ҚазМұнайГаз» БӨ» АҚ, Мұнай және газ департаментінің өндіріс бөлімінің басшысы. 2008-2009 жылдары – «ҚазМұнайГаз» БӨ» АҚ, Өндірісті басқару департаменті директорының орынбасары. 2009-2010 жылдары – «Қазгермұнай» ЖШС, Өндірістік техникалық департамент директорының орынбасары. 2010 жылы – «Маңғыстаумұнайгаз» АҚ, Өндірістік департаментінің директоры. 2011 жылы «ҚазМұнайГаз» Барлау Өндіру» АҚ «Өзенмұнайгаз» филиалы директорының бірінші орынбасары. 2011-2012 жылы «Өзенмұнайгаз» филиалының директоры; «Өзенмұнайгаз» АҚ бас директоры. 2013-2020 жылдары «ҚазАзот» ЖШС «Шағырлы-Шөмішті» филиалының директоры. 2020-2021 жылдары – «Каспий» ӘКК» АҚ Басқарма Төрағасы. 2021-2022 жылдары - Маңғыстау облысы әкімінің бірінші орынбасары. Қазіргі қызметінде – 2022 жылдың наурызынан.


Ұқсас жаңалықтар
10 тамыз. ҚазАқпарат күнтізбесі
2022 жылғы 10 тамыз 07:00

10 тамыз. ҚазАқпарат күнтізбесі

НҰР-СҰЛТАН. ҚазАқпарат - ҚазАқпарат оқырмандарына 2022 жылғы 10 тамызға арналған күнтізбесін ұсынады.


АТАУЛЫ КҮНДЕР

Абай күні

Қазақстан Республикасы Үкіметінің 2020 жылғы 4 тамыздағы Қаулысымен 10 тамыз мерекелік күндердің тізбесіне қосылып, Абай күні болып белгіленді.

Абай - қазақ жазба әдебиетінің негізін қалыптастырған ұлы ақын, ағартушы әрі ойшыл. Оның шығармалары бүгінгі күнге дейін әлемнің 60 тіліне аударылған. Алматыда ақынның атымен жоғары оқу орны, опера және балет театры, үлкен даңғыл аталады, қазақстанның көптеген елді-мекендеріне оның есімі берілген, көркем әдебиет саласы бойынша мемлекеттік сыйлық тағайындалған. Шығыс Қазақстан облысындағы бір ауданға, Қарағанды облысындағы бір қалаға аты берілген. Сондай-ақ Іле Алатауының теңіз деңгейінен 4010 метр биіктіктегі шыңы да ақын есімімен аталады.

ЕСТЕ ҚАЛАР ОҚИҒАЛАР

1995 жылы Семей қаласында Абайдың жаңа мәдени-тарихи және аумақтық-мемориалдық кешені салтанатты түрде ашылды. Кешенге жаңа мұражай мен қайта өңдеу өткізілген Абайдың өзі тәлім алған медресе мен мешіт кіреді.

2010 жылы Талдықорған қаласында Спорт сарайы алдында қазақтың ұлы ақыны Сүйінбай Аронұлына ескерткіш орнатылды. Биіктігі шамамен 10 метрге жететін монумент таза қоладан құйылған, оның авторлары - белгілі қазақстандық сәулетші Қазбек Жарылғапов пен мүсінші Мерлан Әзмағамбетов.

2012 жылы Маңғыстау облысындағы Қарақұдық кен орнында мерейтойлық 10-шы миллион мұнай тоннасы алынды. Қарақұдық кен орны Ақтау қаласынан солтүстік-шығысқа қарай 365 шақырым қашықтықта орналақан. Алғаш рет бұл маңнан мұнай 1972 жылы табылғанымен тек 1998 жылдан бастап алына бастады.

2014 жылы Тбилисиде ІХ Халықаралық мәдениет, сән және өнер балалар фестивалінің Алтын тәжін марапаттау рәсімі өтті. Аталмыш байқауда Қазақстан атынан апалы-сіңлілі Ксения (13 жаста) және Анастасия (10 жаста) Михайловскаялар өнер көрсетті. Ксения «Little Miss Universe-2014, Super Grand prix» атақтарына ие болды. Жеңімпазға алтын тәж, диплом, «Диадема» зергерлік салонынан фестивальдің символикасы салынған алтын алқа сыйға тартылды. Байқауда Ксения қазақтың ұлттық биі «Аққуды» биледі. Ал Анастасия «Little Miss Universe grand prix-2014» атағын жеңіп алды. Сондай-ақ, фестивальдің арнайы аталымдарының бірі - «Little Miss Elegance 2014» атанды. Жеңімпазға үздік ұлттық костюм үшін диплом берілді.

2014 жылы қазақстандық қос балуан Вадим Псарев пен Жаксылық Үшкемпіровтің есімдері Швейцариядағы ФИЛА штаб-пәтеріндегі күрес даңқы залына енгізілді.

2016 жылы «Құнанбай» фильмі ХІІ Қазан халықаралық мұсылман киносы фестивалінің негізгі конкурстық бағдарламасына қатысты.

2017 жылы Қазақстан Республикасы алғаш рет Польшаның Торун қаласында өткен XVIII Бүкіләлемдік жазғы полоний ойындарына қатысты. Кәсіби емес спортшылар арасындағы жарыста 32 елдің командалары сынға түсті. Қазақстан намысын Астана мен Алматыдан 17 адам қорғап, 11 медаль жеңіп алды.

2017 жылы әлемнің 40-тан астам елінде 22 тілде National Geographic түсірген Астананың мегақұрылыстары туралы фильмнің әлемдік тұсаукесері болды. Әйгілі National Geographic телеарнасының командасы Астананың зәулім ғимараттары туралы деректі фильм түсіріп, осы ғимараттарды да және қаланың өзін де мегақұрылыстар қатарына жатқызды. Қазақстан астанасының бас құрылысшысы – Президент Нұрсұлтан Назарбаев белгілі сәулетшілермен бірге фильмнің бас кейіпкері болды.

2017 жылы Катар Қазақстан азаматтары үшін тегін визалар енгізілгенін жариялады. Енді қазақстандықтар Катарға 30 күнге барып, оның мерзімін тағы 30 күнге созуына болады.

2017 жылы Димаш Құдайберген Гонконгтағы Golden melody awards байқауының «Жылдың үздік орындаушысы» аталымында жеңімпаз атанды. Қазақстандық әнші Қытайда өткен Singer-2017 жобасында екінші орын алып, әлемге танылған болатын.

2020 жылы Қазақстан Ұлттық банкі «ABAI. 175 JYL» коллекциялық монеталарын айналымға шығарды.

Номиналы 500 теңгелік күмістен, номиналы 100 теңгелік мельхиор қоспасынан және номиналы 100 теңгелік нейзильбер қоспасынан жасалған монеталар қазақтың ұлы ақыны Абайдың 175 жылдығына орай шығарылған.


8 тамыз. Туған күн иелері
2022 жылғы 8 тамыз 08:08

8 тамыз. Туған күн иелері

НҰР-СҰЛТАН. ҚазАқпарат – ҚазАқпарат 8 тамызға арналған «Туған күн иелері» күнтізбесін ұсынады.

ЕСІМДЕР

56 жыл бұрын (1966) Қазақстан Республикасы Парламенті Мәжілісінің VII шақырылымының депутаты, Аграрлық мәселелер комитетінің мүшесі Бауыржан Мейрамбекұлы САРТБАЕВ дүниеге келді.

Қарағанды қаласында туған. Қарағанды мемлекеттік университетін, КИМЭП бітірген. 2000–2002 жж. ҚР Қаржы министрлігінің «Оңалту қоры» РМК заң басқармасының бастығы болды. 2000–2002 жж. — ҚР Білім министрлігінің «Қаржы орталығы» ММ директорының орынбасары. 2003–2006 жж. — «Қазастықтранс» еншілес компаниясының басқарма төрағасы. 2006–2007 жж. — Ұлыбританиядағы «Азық-түлік корпорациясы» АҚ өкілдігінің директоры. 2008–2012 жж. — «Номад» ЖШС директорының орынбасары. 2012–2013 жж. — «Сарыарқа» кешенді даму орталығы» мемлекеттік қоры директорының орынбасары. 2013–2015 жж. — ҚР ПІБ «Мемлекеттік резиденциялар дирекциясы» РМК директорының орынбасары. 2015-2018 жж. - ҚР ПІБ РМК директоры. 2018-2019 жж. Қазақстан Республикасының Ресей Федерациясындағы Сауда өкілі лауазымында болды. 2019-2021 жж. – «KAZAKH INVEST» ұлттық компаниясы» акционерлік қоғамының басқарма төрағасы. Қазіргі қызметінде – 2021 жылдың қаңтар айынан бастап. 49 жыл бұрын (1972) Көкшетау қаласының әкімі Бауыржан Сейтіқалиұлы ҒАЙСА дүниеге келді. Көкшетау облысында туған. Челябинск мемлекеттік аграрлық университетін, Ш. Уәлиханов атындағы Көкшетау мемлекеттік университетін, Польшаның Кутне қаласындағы мемлекеттік жоғары экономикалық мектебін бітірген. 1994-2013 жж. жекеменшік салада жұмыс істеген. 2013-2014 жж. – «Nur Otan» партиясының Көкшетау облыстық филиалы төрағасының бірінші орынбасары. 2014-2016 жж. – «Nur Otan» партиясының Ақмола облыстық филиалы төрағасының орынбасары. 2016-2018 жж. – Көкшетау қалалық мәслихатының хатшысы. 2018-2019 жж. – Қорғалжың ауданы әкімі. 2019-2021 жж. – Ақмола облысы әкімі аппаратының жетекшісі.

2021 жылдың наурыз айынан бастап қазіргі қызметінде.

50 жыл бұрын (1972) Көкшетау қаласының әкімі Бауыржан Сейтқалиұлы ҒАЙСА дүниеге келді.

Көкшетау облысында туған. Челябі мемлекеттік агроинженерлік университетін бітірген; атындағы Көкшетау мемлекеттік университеті Ш.Уәлиханов; Кутно қаласындағы жоғары мемлекеттік экономика мектебі, Польша.

Еңбек қызметі: жұмысшы (1989); жеке секторда жұмыс істеген (1994-2013); «Нұр Отан» ХДП Көкшетау қалалық филиалы төрағасының бірінші орынбасары (2013-2014); «Нұр Отан» партиясы Ақмола облыстық филиалы төрағасының орынбасары (2014-2016); Көкшетау қалалық мәслихатының хатшысы (2016-2018); Ақмола облысы Қорғалжын ауданының әкімі (2018-2019); Ақмола облысы әкімі аппараты басшысының орынбасары – істер менеджері (04.2019-10.2019); Ақмола облысы Зеренді ауданының әкімі (2019-2021).

2021 жылдың наурыз айынан бастап қазіргі қызметінде.

45 жыл бұрын (1977) «Қазгидромет» шаруашылық жүргізу құқығындағы республикалық мемлекеттік кәсіпорнының Бас директоры Данара Қизатқызы ӘЛІМБАЕВА дүниеге келді.

Метеорология және қаржы мамандықтары бойынша екі жоғары білімі, сондай-ақ қолданбалы экология бағыты бойынша магистр дәрежесі бар. Еңбек жолын 2002 жылы «Қазгидромет» РМК-да техник-метеоролог лауазымынан бастады. 2003-2009 жж. инженер-метеоролог, 1 санатты инженер-метеоролог, жетекші инженер метеоролог, Метеорология басқармасының басшысы болды. 2011-2015 жж. – Метеорология департаментінің директоры. 2015-2017 жж. Экологиялық мониторинг департаментінің директоры лауазымында қызмет атқарды. 2017-2020 жж. «Қазгидромет» РМК Бас директорының орынбасары болған.

Қазіргі қызметінде – 2020 жылдың наурыз айынан бері.


8 тамыз. ҚазАқпарат күнтізбесі
2022 жылғы 8 тамыз 07:00

8 тамыз. ҚазАқпарат күнтізбесі

НҰР-СҰЛТАН. ҚазАқпарат – ҚазАқпарат оқырмандарына 2022 жылғы 8 тамызға арналған күнтізбесін ұсынады.

АТАУЛЫ КҮНДЕР

Халықаралық альпинистер күні

1786 жылы дәл осы күні Альпі шыңы бағындырылды. Швейцариялық дәрігер Мишель-Габриэль Паккард (Michel Gabriel Paccard, 1757-1827) пен тау серігі Жак Бальма (Jacques Balmat, 1762-1834) 1786 жылдың 8 тамызында ең бірінші болып теңіз деңгейінен 4810 метр биіктіктегі Альпі тауының ең жоғарғы нүктесі – Монблан шыңына шықты.

Халықаралық офтальмология күні

Көрнекті офтальмолог әрі көз микрохирургы Святослав Федоровтың құрметіне бекітілген. Ол КСРО-да алғаш рет жасанды көз бұршағын қою отасын сәтті жасаған, әлемде алғаш рет глаукоманы ерте кезеңде емдеу отасын жасаған, радиалды кератотомияны енгізумен айналысты, көз жанарын лазермен қалпына келтірудің енгізілуіне елеулі үлес қосты.

Дүниежүзілік мысықтар күні

Аталмыш күн жыл сайын Халықаралық «Animal Welfare» жануарларды қорғау қорының бастамасымен ұйымдастырылады. Мақсаты көпшіліктің сүйікті үй жануарын ұлықтау ғана емес, сондай-ақ, бұралқы мысықтар мәселесіне көпшілік назарын аударту болды.

ЕСТЕ ҚАЛАР ОҚИҒАЛАР

1998 жылы Көкшетау қаласындағы Шоқан Уәлиханов атындағы мемлекеттік университетінің бас алаңында қазақтың ұлы ғалымы Шоқан Уәлихановтың мүсіні салтанатты жағдайда ашылды. Шоқан Шыңғысұлы Уәлиханов – ғалым, тарихшы, публицист, ориенталист, фольклоршы, әдебиет зерттеушісі, этнограф, саяхатшы-географ, демократтық, ағартушылық мәдениеттің тұңғыш өкілдерінің бірі. Қазіргі Қостанай облысының Құсмұрын бекетінде дүниеге келген. Абылай ханның шөбересі.

2000 жылы Мемлекет басшысы «Астана қаласының шекараларын өзгерту туралы» Жарлығына қол қойды, оған сәйкес қалалық жердің жалпы ауданы 45195 гектарға артты.

2002 жылы Қазақстан Республикасының Президенті «Қазақстан Республикасындағы балалар құқығы туралы» Қазақстан Республикасының Заңына қол қойды.

2011 жылы Лос-Анджелесте «Қазақстан: суреттер құбылысы» мәдениет және кино фестивалінің ресми ашылу салтанаты өтті. Аталмыш шара әлемдік киноиндустрия саласының көшбасшыларына Қазақстанның бай мәдениеті мен кинематографиялық өнерін көрсетуге зор мүмкіндік туғызды.

2012 жылы алғаш рет Қостанай облысының тұрғыны Жәнібек Оспановқа жүрек ауыстыру операциясы жасалды. Оған ми қызметі тоқтап, қаза тапқан Галина Воротникова донор болды. Донордың ұлы Игорь жүректі ауыстыруға рұқсат берді. Отаны белгілі хирург Юрий Пя жасады. Қостанайлық Жәнібектің жүрегін ауыстырса, қарағандылық Евгенийге әйел адамның бүйрегі салынды.

2013 жылы Мемлекеттік жинақтаушы зейнетақы қорының (МЖЗҚ) базасында Бірыңғай жинақтаушы зейнетақы қоры (БЖЗҚ) құрылды. Бірыңғай жинақтаушы зейнетақы қорында да жеке жинақтаушы шоттар жүйесі сақталды.

2013 жылы Қазанда қазақтың классик ақыны Мағжан Жұмабаевтың өлеңдер жинағы татар тілінде жарыққа шықты. Оны белгілі Татарстан ақыны, ТР еңбек сіңірген қайраткері, Ғ. Тоқай атындағы сыйлықтың иегері Радиф Гаташ аударған. Татарстан Жазушылар одағы басып шығарған жинаққа, сондай-ақ ақын Нури Арслановтың, Мударис Аглямның және Флера Тарханованың аудармалары да енген.

2014 жылы көкшетаулық ақын Вера Гиоргадзе Ресейдің Жазушылар одағы мен Император үйі бірлесіп тағайындаған «Наследие-2014» әдеби сыйлығының лауреаты атанды. Жеңімпаздарды марапаттау жақында Мәскеудегі Әдебиетшілер үйінің үлкен залында өтті. Ол Император үйі басшысының қолтаңбасы қойылған естелік диплом мен лазуриттен жасалынған алтын қауырсын естелік мүсінін алды.

2014 жылы Қазақстан жастар ақпарат қызметі Шымкент қаласында ишарат тілін меңгеру бойынша арнайы курстар ашты. «Қол ұстасу» деп аталған жоба есту қабілеті нашар жас адамдарға қоғаммен араласуға көмектесуге арналған. Бұл курстар тегін, оларға жасына, есту қабілетінің нашар немесе жақсы болғанына қарамастан, ниет білдірген барлық адамдар қатыса алады.

2017 жылы Қазақстан ұшу қауіпсіздігін қамтамасыз еткені үшін Халықаралық азаматтық авиация ұйымы (ағыл. International Civil Aviation Organization – ICAO) Кеңесінің президенті атынан арнайы марапатқа ие болды.

2017 жылы Ресей Федерациясында ақын Сара Тастанбекқызы бейнеленген картиналар Қазақстанға сыйға тартылды. Картиналарды Мәскеу тұрғыны Гелия Тимофеева табыс етті. Ол Сара Тастанбекқызының бейнесінің жалғыз авторы болған анасы Вещенко Маргарита Маркиановнаның өсиетін орындады.

2017 жылы Филиппинде бокстан жасөспірімдер арасындағы Азия чемпионаты қорытындыланды. Онда Қазақстан жасөспірімдер құрамасы жалпыкомандалық есепте бірінші орынды иеленді. Қазақстан құрамасы алты алтын, екі күміс және екі қола медаль еншіледі.

2018 жылы Қазақстан Республикасы Түркия Республикасын, Әзербайжан Республикасын және Қырғыз Республикасын туристерге арналған «Жібек жолы» визасын енгізуге қосылуға шақырды. Ол Шенген визасы сияқты, бірақ тек туристерге ғана арналған виза болмақ.

2018 жылы ҚР Қоғамдық даму министрлігі Қазақстан мұсылмандары діни басқармасымен бірлесіп, қажылық сапарын ұйымдастыру және бақылау үшін қажы миссиясын құрды. Ол 14 адамнан: ҚМДБ-нің жеті өкілінен, үш БАҚ өкілінен, ҚР Денсаулық сақтау министрлігінің екі қызметкерінен, ҚР ҚДМ екі қызметкерінен құралды.

2019 жылы Қостанайда балалар мен жасөспірімдерге психологиялық қолдау көрсетудің Қазақстандағы алғашқы аймақтық орталығы ашылды.

2021 жылы Вильнюсте елімізде және облыста бірінші болып Тоғызқұмалақ федерациясы ашылды. Тоғызқұмалақтан шеберлік сабақтары тұрақты түрде өткізіліп, литвалық оқушылар мен студенттер ойынның қыр-сырын меңгереді. Алғаш рет литва тілінде ойнау бойынша әдістемелік құрал басылып шығып, «Мектеп» ірі аймақтық көрмесінде ұсынылды.

2020 жылдың желтоқсан айында Қазақстан, Қырғызстан және Түркияның бірлескен ұсынысы негізінде ЮНЕСКО тоғызқұмалақ ойынын адамзаттың материалдық емес мәдени мұрасының репрезентативті тізіміне енгізді.


Jańalyqtar

Үрдіс

MURAǴAT