22 қазан күні Қазақстанда өтетін шараларға шолу
НҰР-СҰЛТАН
9.00-де «Үкімет үйінде» кезекті Үкімет отырысы өтеді. Отырыста 2015-2019 жылдарға арналған «Нұрлы жол» инфрақұрылымдық даму мемлекеттік бағдарламасын іске асыру барысы және 2020-2025 жылдарға арналған жобасы, мемлекеттік-жекешелік әріптестік мәселелері қаралады.
10.00-де Л. Н. Гумилев атындағы ЕҰУ-да ҚР Халық жазушысы Әбдіжәміл Нұрпейісовтің 95 жылдығына арналған «Ә. Нұрпейісов: шеберлік феномені» халықаралық конференциясы өтеді.
11.00-де «Нұр-Сұлтан-1» теміржол вокзалында «Жолаушылар тасымалы» АҚ бас директоры Михаэль Кортюмның қатысуымен жаңа вагондардың таныстырылымы өтеді.
11.00-де Оқушылар сарайында «Жасыл ел» еңбек жасағының XV еңбек маусымының жабылуы өтеді.
12.00-де «UMC» корпоративтік қорының Ана мен бала ұлттық ғылыми орталығында сүйектері тез сынатын балаларды Қазақстанда емдеуге қатысты баспасөз мәслихаты өтеді.
15.00-де қалалық мәслихат ғимаратында Нұр-Сұлтан қалалық қоғамдық кеңесінің отырысы өтеді.
АЛМАТЫ
11.00-де ҚР Ұлттық кітапханасында танымал суретші-реставратор Қырым Алтынбектің кітаптары таныстырылады.
11.00-де «Интерфакс-Қазақстан» агенттігінің баспасөз орталығында «ҚазАвтоПром» Қазақстанның автокөлік саласындағы кәсіпорындары одағы баспасөз мәслихатын ұйымдастырады.
19.00-де Chaplin Mega кинотеатрында режиссер Рустам Әбеновтің «Балет внутри» деректі фильмі таныстырылады.