USD 434.48 EUR 492.61
RUB 5.68 CNY 68.44
Jańalyqtar

2025 жылы 100 мың мұғалім қажет болады

2021 жылғы 3 желтоқсан 13:57
Бөлісіңіз:
2025 жылы 100 мың мұғалім қажет болады

НҰР-СҰЛТАН. ҚазАқпарат – 2025 жылы 100 мың мұғалім қажет болады. Бұл туралы ҚР Білім және ғылым министрі Асхат Аймағамбетов айтты, деп хабарлайды ҚазАқпарат тілшісі.

«Егер мектеп құрылысы мәселесін айтар болсақ, Тәуелсіздік жылдарының ішінде 2 мыңнан астам мектеп салынды. Енді Мемлекет басшысының тапсырмасына сәйкес, биылдан бастап 2025 жылы кемінде 1 мың мектеп салу міндеті алдымызда тұр. Қазір оқушы орны тапшылығына қатысты үлкен проблеманы көріп отырмыз. Биыл 150 мың түлек мектеп бітіріп шықса, ал 1 сыныпқа 400 мыңға жуық баланы қабылдадық. Бір жылдағы айырмашылықтың өзі 250 мың баланы құрап отыр. Мектептерді салмасақ, 2025 жылға қарай кемінде 1 млн қосымша оқу орны қажеттілігі туындайды. Проблеманы алдын ала шешу үшін Президент тағы 1 мың мектеп салуға тапырма берді», - деді министр ҚР Президенті жанындағы Адам құқықтары жөніндегі комиссия отырысында.

Оның атап өтуінше, желтоқсан айында 200-ден астам мектеп пайдалауға беріледі. Осылайша, 2025 жылға дейін 1 000 жаңа мектеп салынады.

«Бір мың мектеп кемінде 100 мың жаңа педагогикалық мөлшерлемені қосымша құруды талап етеді. Бізге 100 мың мұғалім қажет болады. Дәл осы жайт айтарлықтай үлкен сын-тегеурін болмақ. Бізге сапалы кадрлармен және материалдық-техникалық қамтамасыз ету қажет. Осы міндетті шешу бағытында жұмыс істеп жатырмыз», - деді Асхат Аймағамбетов.


Біздің каналымызға жазылыңыз:

Бөлісіңіз:

Автор:

Марлан Жиембай

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT