2025 жылға қарай елімізде 50 жаңа аурухана салынады
«Медициналық көмектің қолжетімділігін әсіресе ауылдық жерге қамтамасыз ету үшін келесі іс-шаралар қабылданатын болады. Алғашқы медциналық-санитарлық көмектің аттам жерде қолжетімділігін қамтамасыз ету үшін 2025 жылға дейін АМСК-нің 487 нысаны, оның ішінде ауылдық елді мекендерде 137 нысаны салынады», - деді ол.
Министрдің атап өтуінше, осы іс-шараларды жүзеге асырудың нәтижесінде бір дәрігерге бекітілген тұрғындардың саны 1 860-тан 1 700 пациентке дейін төмендейді.
«2025 жылға дейін ескі және апатты медициналық ұйымдар желісін жаңарту үшін 50 жаңа нысан құрылысы жүргізіледі. Оның ішінде МЖС тетігі арқылы қалаларда 20 ірі заманауи клиника, 5 республикалық ғылыми орталық, 2 республикалық аурухана, 6 қалалық және облыстық аурухана, 16 аудандық аурухана мен емхана салынады», - деді Алексей Цой.
Сонымен қатар ол жұмыс істеп тұрған 840 медициналық нысан, оның ішінде ауылдық жердегі 766 нысан күрделі жөндеуден өтетіндігін айтты.
«Осы іс-шараларды жүзеге асырудың нәтижесінде 2023 жылы медициналық ұйымдар ғимаратының тозу көрсеткіші 58-ден 44 пайызға дейін төмендейді. Бұған қоса, денсаулық сақтауға жеке инвесторлардың үлесі 37-ден 42,8 пайызға дейін артады», - деді министр.