2025 жылға дейін денсаулық сақтау саласына 28 трлн теңге жұмсалады
2020 жылғы 4 наурыз 17:07

2025 жылға дейін денсаулық сақтау саласына 28 трлн теңге жұмсалады

НҰР-СҰЛТАН. ҚазАқпарат - 2025 жылға дейін денсаулық сақтау саласына 28 трлн теңге жұмсалады, деп хабарлайды ҚазАқпарат тілшісі.

Бұл туралы ҚР Денсаулық сақтау министрлігінің жауапты хатшысы Ботагөз Жақсылықова айтып берді.

«2020-2025 жылдары денсаулық сақтау саласын дамыту мемлекеттік бағдарламасында 2025 жылға дейін денсаулық сақтау шығындарын ЖІӨ 5% дейін жеткізу қарастырылған. 2019 жылдан 2025 жылға дейінгі денсаулық сақтаудың жалпы шығындары 28 трлн теңгені құрайды. Оның 13 трлн теңгесі немесе 47% мемлекеттік бюджеттен, МӘМС активтерінің шығысы - 3 трлн теңге немесе 11%, халықтың шығысы - 11,8 трлн теңге», - деді Б. Жақсылықова ҚР Парламенті Сенатында өткен жиналыста.

Бұған дейін жауапты хатшы қазақстандық дәрігерлердің орташа жалақысы туралы айтып берген еді.



Ұқсас жаңалықтар

Jańalyqtar

Үрдіс

MURAǴAT