+7 (701) 759 90 19
USD 376.77 EUR 408.46
RUB 5.95 CNY 53.98
Jańalyqtar

2025 жылға дейін 800 жаңа мектеп салынады

2019 жылғы 19 желтоқсан 10:37
Бөлісіңіз:
2025 жылға дейін 800 жаңа мектеп салынады

НҰР-СҰЛТАН. ҚазАқпарат - 2025 жылға дейін елімізде 800 жаңа мектеп салынады. Бұл туралы бүгін Үкімет отырысында ҚР Білім және ғылым министрі Асхат Аймағамбетов айтты, деп хабарлайды ҚазАқпарат тілшісі.

Ұқсас жаңалықтар
Асхат Аймағамбетов: Мектептерге интернет қосатын провайдердің тарифі өте қымбат Нұр-Сұлтанда 11, 14 және 15 жастағы үш жасөспірім мектепке енді барды Қазақстан мектептерінде мамандандырылған күзет болады

«Келесі маңызды бағыт - инфрақұрылым. Болжамға сүйенсек, 2025 жылға қарай орын тапшылығы 500 мыңға жуық орынды құрайды. Бұл тек қана мектептерде. Аталған проблемаларды шешу үшін мектептер мемлекет және жекеменшік тарапынан салынатын болады. Атап айтқанда, 650 мыңнан астам орынға 800 жаңа мектепті мемлекеттік бюджет тарапынан және жеке инвестиция тарту арқылы салу жоспарланды. Оған 876 млрд теңге бөлінеді. Нәтижесінде 3 ауысымды мектептер мен орын тапшылығы шешіліп, апатты мектептердің саны азаяды», - деді 2025 жылға дейін Қазақстанда білім мен ғылымды дамытудың мемлекеттік бағдарламасын таныстырған Асхат Аймағамбетов.

Бұған қоса, министрдің айтуынша, ауыл мектептерін қолдау үшін «Ауыл - ел бесігі» бағдарламасымен байланыстырылып, ауылдағы тірек мектептер үшін 114 интернат салуға 53 млрд теңге бөлу жоспарланған.

«Бүгінгі күні елімізде 1879 мектепте мүлдем спорт залы жоқ. Осыған орай оқушы саны 150-ден асатын барлық мектепте спорт зал салынады. Осы мақсатта 724 спорт залын салуға 80 млрд теңге бөлінді. Жаңа бағдарлама аясында барлық мектептерді физика, химия, биология пәндік кабинеттермен толық қамтамасыз етуге 100 млрд теңге, пәндік кабинеттерді компьютерлермен қамтуды 100 пайыз жеткізу үшін 50 млрд теңге тағы бөлініп отыр. Бұл мәселелердің жылдар бойы шешілмей келгенін атап өткім келеді және бұл шын мәнінде білім саласы үшін өте үлкен жақсы жаңалық», - деді ол.

Біздің каналымызға жазылыңыз:

Басты сөздер: ҚР Үкіметі, Білім, Құрылыс,
Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Жанат Қапалбаева
Жанат Қапалбаева
954-059

MURAǴAT