+7 (701) 759 90 19
USD 420.29 EUR 506.87
RUB 5.66 CNY 64.73
Jańalyqtar

2023 жылға қарай дәрігерлердің жалақысы 2,5 есе өседі

2020 жылғы 25 қараша 13:08
Бөлісіңіз:
2023 жылға қарай дәрігерлердің жалақысы 2,5 есе өседі

НҰР-СҰЛТАН. ҚазАқпарат - 2023 жылға қарай дәрігерлердің жалақысы 2,5 есе өседі. Бұл туралы Nur Otan партиясының кезектен тыс XX Съезінде ҚР Президенті Қасым-Жомарт Тоқаев айтты, деп хабарлайды ҚазАқпарат тілшісі.

«Жаһандық жаңа сын-тегеуірінді ескере отырып, білім, ғылым, денсаулық сақтау, мәдениет және спортқа арналған шығыстар артады. Бұл - адами капиталға, еліміздің болашағына салынған стратегиялық инвестиция. Денсаулық сақтау саласын қаржыландыру көлемі жалпы ішкі өнімнің кемінде 5 пайызын құрайды», - деді Мемлекет басшысы.

ҚР Президенті цифрландыру, телемедицина, биологиялық қауіпсіздік инфрақұрылымын қамтитын Бірыңғай ұлттық жүйені құру аяқталатынын атап өтті.

«Нұр-Сұлтан мен Алматы қалаларында 2 ғылыми-инновациялық көпбейінді клиника салынады. Өңірлік медицинаны дамыту үшін еліміздің барлық облысында 20 заманауи медициналық орталық саламыз. Аудандық ауруханалар мен перзентханаларды, ауылдық емдеу мекемелерін барлық қажетті жабдықтармен қамтамасыз етеміз. 2023 жылға қарай дәрігерлердің жалақысы 2,5 есе өсетін болады. Басты мақсат - қазақстандықтардың орташа өмір сүру жасын 75 жасқа жеткізу», - деді Қасым-Жомарт Тоқаев.


Біздің каналымызға жазылыңыз:

Бөлісіңіз:

Автор:

Марлан Жиембай

Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT