+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

2022 жылы Қазақстанда Балалардың әл-ауқат индексі енгізіледі

2020 жылғы 1 маусым 19:51
Бөлісіңіз:
2022 жылы Қазақстанда Балалардың әл-ауқат индексі енгізіледі

НҰР-СҰЛТАН. ҚазАқпарат - 2022 жылы Балалардың әл-ауқат индексі енгізіледі. Бұл туралы ҚР Білім және ғылым министрі Асхат Аймағамбетов Facebook парақшасында жазды, деп хабарлайды ҚазАқпарат тілшісі.

«2022 жылы Балалардың әл-ауқат индексі енгізіледі. Ол балалардың өмір сүру жағдайы мен денсаулығы, білім, әлеуметтену, отбасы мен қоғам сынды маңызды салалар бойынша көрсеткіштерді анықтауға септігін тигізеді. Оның негізінде балалардың құқығын қорғау бойынша қалалардың, аудандардың, ауыл-аймақтардың рейтингі түзіледі. Білім алудың қауіпсіз жағдайларын жасау үшін әр білім беру ұйымын бейнебақылау және қажетті заттармен жабдықтау мәелелері қарастырылып жатыр. Буллинг, суицид проблемаларын шешу ерекше назарды қажет етеді. Балаларды зиянды ақпараттан қорғау – өте маңызды. Кибермәдениет пен кибергигиенаны қалыптастыру тақырыбы мектеп бағдарламасына енгізілуі керек», - деді министр.

Асхат Аймағамбетов «Жусан» операциясының аясында соғыс болып жатқан елдерде қалып қойған балалар елге қайтарылғандығын, интернат ұйымдарында тәрбиеленіп жатқан балалардың қауіпсіздігін қамтамасыз ету әлі де өзекті мәселе болып отырғандығын баса атап өтеді.

«ҚР Үкіметі жанындағы ведомствоаралық комитеттің -тің кәмелетке толмағандардың істері мен олардың құқықтарын қорғау бойынша кезектен тыс отырысында барлық мемлекеттік органға тәрбиеленушілер үшін қауіпсіз жағдай жасау тапсырмасы берілді. Қамқоршылық кеңестерге ерекше назар аударылып отыр. Оның құрамында азаматтық қоғам өкілдерінің болуы да маңызды. Олардың қызметтерінің ашықтығы мен айқындығы қоғамдық бақылау орнатуға мүмкіндік береді», -деді ол.

Министр кәмелетке толмағандардың істері бойынша комиссия жұмысы түбегейлі өзгеретіндігін де атап өтеді.

«Қазіргі таңда бұл органдардың мүмкіндіктері тиімді қолданылып жатқан жоқ. Қоғам тарапынан комиссиялардың құзыретін кеңейту бойынша нақты ұсыныстар айтылған болатын, олар назарға алынды», - деді Асхат Аймағамбетов.


Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT