+7 (701) 759 90 19
USD 427.15 EUR 519.12
RUB 5.96 CNY 66.84
Jańalyqtar

2021 жылы ана мен баланы қолдауға 756 млрд теңге қарастырылған – Еңбек министрі

2021 жылғы 10 маусым 16:50
Бөлісіңіз:
2021 жылы ана мен баланы қолдауға 756 млрд теңге қарастырылған – Еңбек министрі

НҰР-СҰЛТАН. ҚазАқпарат – 2021 жылы ана мен баланы қолдауға 756 млрд теңге қарастырылған. Бұл туралы халыққа есеп беру кездесуінде ҚР Еңбек және халықты әлеуметтік қорғау министрі Серік Шәпкенов айтып берді, деп хабарлайды ҚазАқпарат.

Оның айтуынша, ана мен баланы қолдау әлеуметтік көмек пен әлеуметтік сақтандырудың көпдеңгейлі жүйесі арқылы қамтамасыз етіледі. Жыл басынан бастап балалы отбасыларға берілетін барлық мемлекеттік әлеуметтік жәрдемақылар 5%-ға арттырылды.

«Республикалық бюджет қаражаты есебінен мемлекеттік жәрдемақылардың мынадай түрлері көзделген: бала туғанда берілетін біржолғы жәрдемақы, 1 жасқа дейінгі бала күтімі бойынша ай сайынғы жәрдемақы, «Алтын алқа», «Күміс алқа» алқаларымен марапатталған немесе бұрын «Батыр ана» атағын алған, I және II дәрежелі «Ана даңқы» ордендерімен марапатталған көпбалалы аналарға берілетін ай сайынғы жәрдемақы, көпбалалы отбасыларға берілетін жәрдемақы және кәмелеттік жасқа толғанша мүгедектігі бар баланың, 18 жастан асқан бала кезінен бірінші топтағы мүгедектігі бар адамның күтімі бойынша жәрдемақы», - деп атап өтті Еңбек министрі.

Сонымен қатар, жұмыс істейтін әйелдер үшін мемлекеттік әлеуметтік сақтандыру қорынан әлеуметтік төлемдер беру көзделген. Жүктілікке және босануға байланысты әлеуметтік төлемнің орташа мөлшері 541,3 мың теңгені, ал бір жасқа дейінгі бала күтімі бойынша ай сайынғы төлем – 32 мың теңгеге жетті.

«Зейнетақы тағайындау кезінде әйелдердің әлеуметтік қорғалуын арттыру үшін 3 жасқа дейінгі бала күтімі кезеңі еңбек өтіліне есептеледі. Сонымен бірге, әйелдерге 1 жасқа дейінгі бала күтімі бойынша демалыс кезеңінде міндетті зейнетақы жарналары субсидияланады. Былтыр ана мен баланы қолдауға 635 млрд теңгеден астам қаражат жұмсалды. Биыл оның көлемі 756 млрд теңгеге көзделген, бұл өткен жылғы көлемнен 19%-ға артық», - дейді Серік Шәпкенов.


Біздің каналымызға жазылыңыз:

Бөлісіңіз:

Автор:

Айжан Серікжанқызы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT