2021 жылға қарай Қазақстанда ісік геномы зертханасы құрылады
«Онкологиялық аурулармен күрес жөніндегі 2018-2022 жылдарға арналған кешенді жоспардың аясында онкологиялық патологияны анықтауды арттыруға және ерте диагностикалауға бағытталған іс-шаралар атқарылуда. 2018 жылдың қорытындысы бойынша Қазақстан Республикасында Кешенді жоспарда ескерілген барлық көрсеткіштерге қол жеткізілді», - деді министр.
Белгілі болғандай, тиімділігі жоғары ерте диагностика, яғни 0-I сатыларда анықталған алғашқы қатерлі ісіктердің үлесі 26,2 пайызға артты (2017 жыл - 24,7%, 2022 жылғы мақсат - 33,5%).
Оның сөзіне қарағанда, мониторингілеу бойынша кадр әлеуетін және ғылымды дамыту, сондай-ақ шетелдің жетекші онкологиялық ұйымдарымен меморандумдар жасау жоспарланған.
«2021 жылға клиникаға дейінгі зерттеу орталығын құру, сонымен қатар 2021 жылға қарай ісік геномы зертханасын құру жоспарланған», - деп нақтылады Е. Біртанов,
Бұдан бұрын хабарланғандай, Үкімет сағаты барысында министр қазақстандықтар қатерлі ісіктің қай түріне жиі шалдығатынын айтты.