+7 (701) 759 90 19
USD 425.73 EUR 498.32
RUB 5.8 CNY 65.85
Jańalyqtar

2020 жылы «Қазпоштада» қанша сәлемдеме жоғалды

2021 жылғы 17 ақпан 14:18
Бөлісіңіз:
2020 жылы «Қазпоштада» қанша сәлемдеме жоғалды

НҰР-СҰЛТАН. ҚазАқпарат – «Қазпошта» АҚ Пошта қызметтері және E-commerce бойынша басқарушы директоры Әлия Сүгірбаева жоғалған пошталық жөнелтімдер туралы сұраққа жауап берді, деп хабарлайды ҚазАқпарат тілшісі.

«Жалпы «Қазпоштаға» жүгінетін клиенттердің көпшілігі сапасыз тауар салынғанын немесе қандай да бір тауардың жетпей тұрғанын айтады. Сондықтан, болашақта осындай проблемалық мәселелерді болдырмау үшін барлық клиенттерімізге – Қазақстан тұрғындарына өздерін жақсы қырынан көрсеткен, тексерілген интернет-алаңдардан, сайттардан ғана тауар алуға кеңес береміз», - деді Ә. Сүгірбаева «Қазпошта» ғимаратында өткен брифингіде.

Оның айтуынша, өткен жылы жалпы сәлемдемелер санының 0,004%-ы жоғалған.

«2020 жылы Қазақстанға тұрғындарымыз тапсырыс берген 8 млн-нан астам сәлемдеме жеткізілді. Оның ішінде тек 370-і жоғалды. Әрбір жоғалу фактісі бойынша компанияның қауіпсіздік қызметі тексеру жүргізеді, барлық фактілер анықталады және ҚР Заңнамасы аясында тиісті шешімдер қабылданады. Жалпы сәлемдемелер арасында бұл 0,004%-ды құрайды», - деп қорытындылады спикер.

Айта кетейік, 10 ақпанда бірқатар БАҚ-та елорда тұрғыны Илья Гришко туралы сюжет шыққан еді. Онда И. Гришко «Қазпошта» сәлемдемесінде өзі тапсырыс берген ұялы телефонның жоғалуына шағымданған.

Бұл даулы оқиғаға «Қазпошта» АҚ Пошта қызметтері және E-commerce бойынша басқарушы директоры Әлия Сүгірбаева жауап берген еді.

«Қазпошта» компаниясы сәлемдемеде жоғалған телефон туралы ақпарат үшін сотқа жүгінбек .



Біздің каналымызға жазылыңыз:

Бөлісіңіз:

Автор:

Айжан Серікжанқызы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT