2020 жылдан бастап кәсіпкерлерде МӘМС жарналары мен аударымдары қалай өзгерді
«Өз қызметкерлері үшін ақы төлеп жүргендердің МӘМС ставкалары ұлғаюда, сондай-ақ қызметкерлер үшін және өздері үшін жарналар пайда болады. Жұмыскерлер үшін жұмыс берушінің 2020 жылдан бастап аударымдар ставкасы 1,5-ден 2 пайызға дейін өседі. Егер сіз жеке кәсіпкер және жеке практикамен айналысатын болсаңыз, онда 2020 жылдан бастап сіз ай сайын 1,4 ЕТЖ-дан (ең төменгі жалақы) 5% ставка бойынша өзіңіз үшін жарна төлей бастайсыз. Шаруа қожалықтары 1 ЕТЖ-дан 5%, 2020 жылдың 1 қаңтарынан бастап, жарналарды 3, 6 немесе 12 айға аванспен төлеуге болады», - делінген аталған департамент мәліметінде.
Атап айтқанда, егер сіз жеке тұлға азаматтық құқықтық сипаттағы шарты бойынша жұмыс істейтін болсаңыз, онда 2020 жылдың 1 қаңтарынан бастап ай сайын шарттың қолданылу мерзімі ішінде сіздің табысыңыз бойынша 2020 жылы шарт бойынша алынатын табыстың 1%-ын көрсетілетін қызметті алушы (салық агенті) ұстап қалады және аударады.
Егер сіз жұмыссыз болсаңыз, онда сіз 2020 жылдың 1 қаңтарынан бастап 1 АЕК-нің 5%-ын 2020 жылы өздігіңізбен төлейсіз. Бірақ БЖТ қатысушысы ретінде салық есебіне тұру керек және қала үшін 1 АЕК – 2 651 теңге, ауыл үшін айына 0,5 АЕК – 1326 теңге, оған барлық салықтар мен төлемдер кіреді (ЖТС, МЗЖ, әлеуметтік аударымдары, МӘМС).
«2020 жылдың 1 қаңтарынан бастап жұмыс беруші, аударымдарды төлеуден басқа, қызметкердің жарналар (қызметкердің табысынан) есептеу объектісінен 1% мөлшерінде ұстап және төлеп тұрады; жарналарды есептеу объектісі есептелген табыс болады; бұл ретте, жарналарды есептеу үшін алынатын ай сайынғы нысан жеке тұлғаның кірістердің барлық түрлерінің сомасы бойынша есептелуі тиіс және 10 ЕТЖ-дан аспауы тиіс», - деп аталып өткен хабарламада.