+7 (701) 759 90 19
USD 439.01 EUR 474.61
RUB 5.75 CNY 61.91
Jańalyqtar

2019 жылы Қазақстанға 17,6 мыңнан астам қандас келді-министрлік

2020 жылғы 22 қаңтар 20:52
Бөлісіңіз:
2019 жылы Қазақстанға 17,6 мыңнан астам қандас келді-министрлік

НҰР-СҰЛТАН. ҚазАқпарат - 2019 жылы 17 661 этникалық қазақ немесе 9 993 отбасы тарихи отанына оралды және қандас мәртебесіне ие болды.

Ұқсас жаңалықтар
42 500 теңгеге өтініш беруге арналған қосымша сервис іске қосылды Елімізде төтенше жағдай кезінде әлеуметтік көмектің көлемі артты 42 500 теңге әлеуметтік жәрдемақы клиенттердің карта шоттарына аударылуы мүмкін

Олардың көпшілігі Қытайдан – 41,5% (7 326 адам), Өзбекстаннан – 40,1% (7 074 адам), Түркменстаннан – 6,5% (1 152 адам), Моңғолиядан – 6,2% (1 095 адам), Ресейден – 1,8% (313 адам), 3,9% (701 адам) басқа елдерден келді.

Қандастардың басым көпшілігі Алматы – 38%, Маңғыстау – 14% облыстарына, Шымкент – 7% және Нұр-Сұлтан – 6% қалаларына қоныстанды.

Келген қандастардың жалпы санынан еңбекке жарамды жастағы адамдар 62,7%-ды (11 082 адам), еңбекке қабілетті жастағылар – 30,7%-ды (5 420 адам), зейнеткерлер – 6,6%-ды (1 159 адам) құрайды.

Еңбекке жарамды жастағылардың ішінен білім деңгейі бойынша 13,6% жоғары білімді, 25,2% орта арнаулы білімді, 46,7% жалпы орта білімді, 14,5% білімі жоқ.

2019 жылға ҚР Үкіметі 2 031 қандасты қабылдаудың өңірлік квотасын бекітті, ол былайша бөлінді: Қостанай облысы бойынша – 815, Павлодар облысы бойынша – 550, Ақмола облысы бойынша – 306 адам, Шығыс Қазақстан облысы бойынша-250, Солтүстік Қазақстан облысы бойынша – 110 адам.

Қандастарды қабылдаудың өңірлік квотасына енгізілген адамдарға Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасын іске асыру шеңберінде субсидия беру түрінде қолдау көрсетілді: көшуге – отбасының әрбір мүшесіне 35 АЕК (84,2 мың теңге) біржолғы төлем; тұрғын үйді жалдау (жалға алу) және коммуналдық қызметтерге төлеу бойынша шығыстарды жабу үшін 12 ай бойы отбасына 15-тен 30 АЕК (36,1-ден 72,2 мың теңге).

Естеріңізге сала кетейік, 1991 жылдан 2020 жылғы 1 қаңтарға дейін 313 256 отбасы немесе 1 057 280 этникалық қазақ тарихи отанына оралып, қандас мәртебесін алған болатын.


Біздің каналымызға жазылыңыз:

Бөлісіңіз:

Автор:

Қанат Мәметқазыұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Алтынбек Кумарзак
Алтынбек Кумарзак
954-059

MURAǴAT