2016 жылы Қырғызстанда кедейлердің қатары 1,5 млн-ға жеткен
11:07, 10 Маусым 2017
АСТАНА. ҚазАқпарат - 2016 жылы Қырғызстанда 1 миллион 557 мың тұрмыс деңгейі төмен адам тіркелген, деп хабарлайды 24.kg .
Елдің Ұлттық статистика комитетінің үй шаруашылығы статистикасы бөлімінің меңгерушісі Галина Самохлебтің мәлімдеуінше, статистика комитетінің қызметкерлері іріктеп алған 5 мыңнан астам шаруашылықтың мал-жанына тексеру жүргізілген.
Сауалнама нәтижесіне тұтынушылық шығыстары бойынша есептелген кедейшілік деңгейі 2016 жылы елді тұтас алғанда 25,4 пайызға жеткен. Айта кетерлігі бұл көрсеткіш 2015 жылмен салыстырғанда 6,7 пайызға төмендеген.