2010 жылғы бюджеттен Көлік стратегиясын іске асыру шеңберінде 170,6 млрд. теңге қарастырылып отыр
деп хабарлайды ҚазАқпарат.
Бюджет жобасында еліміздегі көлік инфрақұрылымын одан әрі дамытуға, оның ішінде Көлік стратегиясын іске асыру шеңберінде 2010 жылға - 170,6 млрд. теңге, 2011 жылға - 246,8 млрд. теңге, 2012 жылға - 274.7 млрд. теңге қарастырылып отыр. Оның ішінде Батыс Еуропа - Батыс Қытай автожолы транзиттік дәлізін жаңартуға 2010 жылы - 110,3 млрд. теңге, 2011 жылы - 182, 2 млрд. теңге, 2012 жылы - 197, 6 млрд. теңге бөлу жоспарланған. Сонымен қатар, халықаралық транзиттік дәліздерді дамытуға 2010 жылы - 22,9 млрд. теңге, 2011 жылы - 16,6 млрд. теңге, 2012 жылы - 28 млрд. теңге қарастырылып отыр.
Бұдан басқа, жергілікті бюджеттерге көлік инфрақұрылымын дамытуға 2010 жылға - 15,3 млрд. теңге, 2011 жылға - 20,5 млрд. теңге, 2012 жылға - 17, 4 млрд. теңге мақсатты трансферттер көзделеді.