200-ден астам ата-ана жауапкершілікке тартылды - Жамбыл облысы
Бір апта ішінде ішкі істер органдарына 113 кәмелетке толмаған бала жеткізіліп, 226 ата-ана мен өзге де ересек адамдар әкімшілік жауапкершілікке тартылды.
Нақтырақ айтсақ, бір аптада алкоголь өнімдерін сату ережелері туралы ҚР заңнамасын бұзғаны үшін ҚР ӘҚБтК-нің 200-бабы бойынша 10 дүкен иесі әкімшілік жауапкершілікке тартылды. Кәмелетке толмаған балаларының түнгі уақытта тұрғын үйден тыс жерде болғаны үшін 113 заңды өкіл ҚР ӘҚБтК-нің 442-бабы 2-бөлігі бойынша жазаланды.
«Сондай-ақ, 130 өзге де қоғамдық тәртіп бұзушылық анықталды. Апталық жұмыспен өтеу барысында профилактикалық есепке 4 кәмелетке толмаған және 12 кәмелеттік жасқа толмаған бала тұратын сегіз қолайсыз отбасы қойылды. КБО-ға бес жасөспірім орналастырылды.
Кәмелетке толмағандарды құқыққа қарсы ортаға тартуға жол бермеу мақсатында аталған іс-шаралар күшейтілетін болады», - деп хабарлады Полиция департаменті Жергілікті
полиция қызметі басқармасының бастығы Рахымберді Әшкеев.