20 сәуір күні Қазақстанда өтетін маңызды шараларға шолу
НҰР-СҰЛТАН
Сағат 10.00-де Қазақстан Республикасының Сыртқы істер министрлігі Мәдениет және спорт министрлігімен бірге су полосы мен жүзу бойынша алғашқы турнирді ұйымдастырады. Іс-шараға СІМ басшылығы, ҚР МСМ спорт және дене шынықтыру комитетінің төрағасы Серік Сәпиев, Олимпиада чемпиондары, су полосынан КСРО-ның еңбек сіңірген спорт шебері Сергей Котенко және Еркін Шагаев, сондай-ақ Қазақстан Республикасының ұлттық компанияларының қызметкерлері, Қазақстан Республикасындағы дипломатиялық корпус және спорт шеберлері қатысады.
ЕСКЕРТУ:
Ертең, яғни 20 сәуірде Нұр-Сұлтанда өткізілуі жоспарланған «Бүкілқазақстандық ағаш отырғызу күні» акциясы ауа райының қолайсыздығына байланысты басқа күнге шегерілді.
АЛМАТЫ
Сағат 11.00-де «Алматы электротранс» автопаркінің аумағында тоқсан сайын ұйымдастырылатын есеп беру кездесуі өтеді. Оны бас директордың орынбасары Елшібаев Нұрлан Мейрамұлы жүргізеді.