20 маусымда Қазақстанда өтетін маңызды шараларға шолу
АСТАНА
Сағат 10.00-де ҚР Парламенті Мәжілісінің пленарлық отырысы өтеді.
10.00-де Сенатта Жергілікті билік органдарымен өзара іс-қимыл кеңесінің отырысы басталады.
10.00-де «Rixos» қонақ үйінде "Заң үстемдігі - Қазақстан экономикасының тұрақты дамуының кепілі" тақырыбында форум басталады.
10.15-те Сенатта Конституциялық заңнама, сот жүйесі және құқық қорғау органдары комитетінің кеңейтілген отырысы өтеді.
Сағат 13.00-ге Астана халықаралық мектебінде робототехникадан World Robot Olympiad ұлттық сайысы жоспарланған.
14.30-да «Атамекен» ұлттық кәсіпкерлер палатасының V Съезі аясында "Әйелдер бизнесі - даму перспективалары" атты "Атамекен" ҰКП Әскер әйелдер кеңесінің жыл сайынғы Конгресі өтеді.
15.00-де Қазмедиа орталығында Қазақстан Республикасының Қаржы министрі Бақыт Сұлтанов халық алдында есеп береді.
15.00-де Мемлекеттік қызмет істері және сыбайлас жемқорлыққа қарсы іс-қимыл агенттігі жанындағы Қоғамдық кеңестің отырысы өтеді.
Сондай-ақ, 15:00-де елордалық Этноауылда «Шарықтаған Оңтүстіктің әндері ай» мерекелік концерті басталады.
15.00-де Назарбаев Университетінде Гүлнар Бажкенованың Сорос-Қазақстан қорының қолдауымен жарық көрген «Только не говорите, это слишком» кітабының тұсаукесері өтеді.
15.00-де «Нұр Отан» партиясының Орталық аппаратында Мәжіліс депутаты Бекболат Тілеуханның төрағалығымен «Нұр Отан» партиясы жанындағы «Мирас» республикалық кеңестің отырысы өтеді.
15.10-да «Көрме» орталығында Экономикалық ынтымақтастық жөніндегі Қазақстан-Польша үкіметаралық комиссиясының тең төрағалары VIII отырыс қорытындысы бойынша баспасөз мәслихатын өткізеді.
АЛМАТЫ
11.00-де Алматы қаласының өңірлік коммуникациялар қызметінде «Алматы темір жолдарының бүгінгі әлеуеті және логистикалық инфрақұрылымды жаңғырту» тақырыбында баспасөз мәслихаты өтеді.
11.00-де БЖЗҚ-да «Зейнетақы жарналары. Жеке зейнетақы шоты туралы ақпараттандыру жолдары» тақырыбында ашық есік күндері ұйымдастырылады.
12.00-де Алматы қаласының өңірлік коммуникациялар қызметінде «Жастарүні» жастар қоғамдық бірлестігінің мемлекеттік бағдарламаларды іске асыру жұмыстары" атты брифинг өтеді.
АҚМОЛА ОБЛЫСЫ
15:00-де Көкшетау қаласындағы «Атамекен» өңірлік кәсіпкерлер палатасында «Инвесторларды жемқорлыққа қарсы алып жүру» жобасының тұсаукесері өткізіледі.
АҚТӨБЕ ОБЛЫСЫ
11.00-де "Қазақ халқына мың алғыс" ескерткіші жанында «Ақтөбе қаласының жолаушылар автокөлігі кәсіпорны» ЖШС-не отандық өндірістің жаңа автобустарын тапсыру рәсімі өтеді.
ҚАРАҒАНДЫ ОБЛЫСЫ
10.00-де облыстық ТЖ департаменті балалар арасында "Жас құтқарушы" облыстық жарысын өткізеді.
11.00-де Е. Бөкетов атындағы Қарағанды мемлекеттік университетінде "Рухани жаңғыру" университеттік және өңірлік жобалау кеңселерінің бірлескен отырысы өтеді.
15.00-де облыстық әкімдікте Қарағанды облысының мемлекеттік кірістер департаменті Қаржы министріне бейнеконференция арқылы есеп береді.
16.00-де облыстық прокуратурада алқа отырысы басталады.
СОЛТҮСТІК ҚАЗАҚСТАН ОБЛЫСЫ
10.00-де Петропавл қаласында облыс пен қала және басқармалар басшылығы азаматтардың өтінішін қабылдайды.