2 сәуір күні елордада өтетін маңызды шаралар аңдатпасы

АСТАНА. ҚазАқпарат - «ҚазАқпарат» халықаралық ақпарат агенттігі 2 сәуір күні Астанада өтетін мәдени және қоғамдық маңызды шаралар аңдатпасын ұсынады.

14.00-де Конгресс-орталықта «Болашақ» корпоративтік қоры Дүниежүзілік аутизм мәселесі туралы ақпаратты тарату күніне арналған «Аutism Talks: ерекше балалы ата-аналардың шабыттандырар әңгімелері» атты кездесу өткізеді.

14.00-де Астана қуыршақ театрында «Алдар көсе жайлы не білесің?» ертегісі қойылады.

18.00-де «Portofino» мейрамханасында отандық дизайнерлердің (брендтердің), кәсіпкерлердің және шоу-бизнестің қатысуымен жыл сайынғы «Runway Show Kz-2023» сән көрсетілімі өтеді.

18.00-де Номад Сити Холл театрында «Ауыл хикаялары» драмасы ұсынылады.

19.00-де Қалибек Қуанышбаев атындағы мемлекеттік академиялық қазақ музыкалық драма театрында «Дон Кихот» қойылымы көрсетіледі.

19.00-де Жас көрермендердің музыкалық театрында «Гауһартас» музыкалық драмасы қойылады.