2 мыңнан астам алматылық коронавирусқа қарсы вакцинаны шетелде салдырған
Алматы қалалық қоғамдық денсаулық сақтау департаменті басшысының орынбасары Светлана Сұлтанғазиеваның айтуынша, екі мыңнан астам алматылық алыс-жақын шет мемлекеттерде вакцина алған.
«2 мыңға жуық азаматымыз шетелдік екпе төлқұжатын тіркеуге алып келді. Шетелде негізінен Pfizer, AstraZeneca, Moderna компанияларының вакцинасын салдырған» - дейді Светлана Сұлтанғазиева.
Бүған дейін ол ревакцинация жасатпаған медицина қызметкерлері жұмыстан шеттетілетінін мәлім еткен болатын.
Айтуынша, вакцина алмаған, қандай да бір жеке себебі бойынша ревакцинация жасатқысы келмейтін дәрігерлер науқастармен жұмыс істеуге жіберілмейді. Егер дәрігерлердің вакцинадан бас тартуының нақты себебі, медициналық қарсы көрсетілімі болмаса онда олар науқастармен жұмыс істеуден шеттетіледі.