+7 (701) 759 90 19 Лента
USD 385.96 EUR 423.78
RUB 6.03 CNY 54.16
Jańalyqtar

2 қыркүйекте еліміз мектептерінде «парасаттылық сағаты» өтеді

2019 жылғы 26 тамыз 13:39
Бөлісіңіз:
2 қыркүйекте еліміз мектептерінде «парасаттылық сағаты» өтеді

КӨКШЕТАУ. ҚазАқпарат - Көкшетау қаласының мәдениет сарайында Ақмола облысының әкімі Ермек Маржықпаевтың төрағалық етуімен білім қызметкерлерінің дәстүрлі тамыз конференциясы өтті, деп хабарлайды ҚазАқпарат.

Конференция барысында ҚР Сыбайлас жемқорлыққа қарсы іс-қимыл агенттігінің Ақмола облысы бойынша департаментінің басшысы Мұрат Төлеубаев педагогтарды қиын сын-қатерлерге төтеп бере алатын және жемқорлыққа қарсы тұра алатын қазақстандықтардың мықты буынын тәрбиелеуге шақырды.

«Мектептерде парасаттылықты қалыптастыру – бірінші кезектегі міндетіміз болып табылады. Сіздерге ел игілігі үшін қызмет ететін адал мамандарды тәрбиелеу міндеті жүктеліп отыр. Сіздерді мінсіз адалдықтың үлгісі болуға және өскелең ұрпақты осыған үйретуге шақырамын» - де ді М .Төлеубаев .

Департаменттің баспасөз қызметінен мәлім еткендей, М.Төлеубаев сыбайлас жемқорлыққа қарсы жаңа агенттіктің құрылуын еліміздің парасатты ұрпағын тәрбиелеуге жаңа серпін бере алатын тарихи шешім деп атады. Агенттіктің бастамасымен осы міндетті орындау үшін ағымдағы жылдың бірінші қыркүйегінен бастап еліміздің барлық оқу орындарында парасаттылық мектептері ашылады.

Осы жұмыс аясында 2 қыркүйекте бүкіл ел бойынша бірыңғай ақпараттық «парасаттылық сағаты» өтіп, онда халық арасында құрметке және беделге ие тұлғалар, « Nur Otan « партиясының өкілдері, мемлекеттік қызметшілер дәріс оқиды.

Сонымен қатар «Адал ұрпақ» және «Саналы ұрпақ» клубтарының рөлін күшейту және дәріптеу қажеттігі айтылды. Қазіргі уақытта олардың жұмысына облыс бойынша 800-ге жуық студент және 50 мыңнан астам оқушы тартылған.

Сондай-ақ ж аңа оқу жылының басталуымен мұғалімдерді Ермек Маржықпаев құттықтады. Ол барлық стратегиялық құжаттарда білім беру саласы әрдайым ерекше басымдыққа ие болғанын атап өтті.

«Алдымызда білім беру сапасын арттыруға, оқытудың тиімді процесін ұйымдастыруға бағытталған маңызды жұмысты орындау міндеті тұр» - де ді ол .

Конференцияда сондай-ақ ҚР Білім және ғылым министрлігі Балалардың құқықтарын қорғау комитеті төрағасының орынбасары Дулат Жекебаев, облыстық басқарма, аудандық білім беру бөлімдері, мектепке дейінгі білім беру ұйымдары, жалпы білім беретін мектептер, колледждер өкілдері, әдіскерлер мен тәрбиешілер сөз сөйледі.

Соңында білім беру саласының дамуына салмақты үлес қосқан педагогтарды салтанатты марапаттау рәсімі өтті.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT