18 тамыз күні Қазақстанда өтетін маңызды шараларға шолу

АСТАНА. ҚазАқпарат - «ҚазАқпарат» халықаралық ақпарат агенттігі 18 тамыз күні Қазақстанда өтетін маңызды шараларға шолу ұсынады.

АЛМАТЫ
8.00-де Астанада Спорт күніне орай жыл сайынғы жалпықалалық веложарыс басталады.

9.00-де Астана қаласының әкімдігінде Өзбекстан Республикасы Президенті жанындағы мемлекеттік басқару академиясының жетекшілігімен және профессорларымен кездесу өтеді.

10.00-де  «Сарыарқа» велотрегінде мемлекеттік қызметкерлер арасындағы Спорт күніне арналған спорттық шаралар өтеді.

10.00-де Л.Н. Гумилев атындағы Еуразия ұлттық университетінің спорт кешенінде қазақ күресі, асық ату бойынша жарыстар өтсе, кешкі 19.00-де көкпар «Қазанат» ипподромында ат жарысы ұйымдастырылады.

ҚЫЗЫЛОРДА ОБЛЫСЫ

10.00-де Қызылорда қаласында ауыл жасөспірімдерінің республикалық II жазғы спорт ойындары басталады.

19.00-де «Еуразия» спорт кешенінде ауыл жасөспірімдерінің республикалық II жазғы спорт ойындарының ашылу рәсімі өтеді.  Аталмыш спорт ойындары 21 тамызда аяқталады.