18 қаңтар күні Қазақстанда өтетін маңызды шараларға шолу

АСТАНА. ҚазАқпарат - «ҚазАқпарат» халықаралық ақпарат агенттігі Қазақстанда 18 қаңтарда өтетін маңызды шараларға шолу ұсынады.

АСТАНА

9.00-де қалалық №1 ауруханада нейрофизиологиялық-интроперациялық мониторинг құрылғы-жүйесі таныстырылады.

10.00-де Қазақстан Республикасының Президенті Нұрсұлтан Назарбаев Ақмола облысына жұмыс сапарымен барады.

10.00-де Сыбайлас жемқорлыққа қарсы іс-қимыл Ұлттық бюросында Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының орынбасары Олжас Бектеновтің қатысуымен жиналыс өтеді.

15.00-де ҚР Денсаулық сақтау министрлігінде міндетті әлеуметтік медициналық сақтандыруды енгізу мәселелері бойынша министр Елжан Біртановтың қатысуымен ведомствоаралық комиссия отырысы өтеді.

АЛМАТЫ

10.00-де Алматы қаласы мен Алматы облысы кәсіподақтарының аумақтық бірлестіктері 2018 жылды қорытындылайды.

АҚТӨБЕ

9.30-да облыс әкімдігінің мәжіліс залында ауыл шаруашылығын дамыту мәселелері жөніндегі кеңейтілген жиналыс өтеді.

11.00-де Облыстық тарихи-өлкетану мұражайында ҚР Тұңғыш Президенті - Елбасы кітапханасының көшпелі көрме жобасы аясында ұйымдастырылған «Н. Назарбаев: дәуір, тұлға, қоғам» көрмесінің жабылу рәсімі өтеді.

14.30-да облыс әкімдігінің мәжіліс залында 2018 жылдың қорытындысы бойынша кеңейтілген отырыс өтеді.

КӨКШЕТАУ

14.00-де Ш. Уәлиханов атындағы КМУ «Тарих» факультетінің 25 жылдығын тойлау аясында түлектер сыйлаған инновациялық кабинеттің ашылуы өтеді.

ҚЫЗЫЛОРДА

17-19 қаңтар күндері Қызылорда облысында «Автобус» жедел- профилактикалық іс-шарасы өткізіледі.

ШЫМКЕНТ

15.00-де Ясауи атындағы ХҚТУ Мәдениет сарайында ҚР Парламенті Мәжілісі депуттарының көшпелі отырысы өтеді. Жиында тарихи-мәдени мұраларды қорғау мен насихаттау заңнамасы талқыланады.