18 ақпан күні Қазақстанда болатын маңызды шаралар аңдатпасы

None
None
НҰР-СҰЛТАН. ҚазАқпарат - «ҚазАқпарат» халықаралық ақпарат агенттігі 18 ақпан күні елімізде болатын маңызды шаралар тізімін ұсынады.

НҰР-СҰЛТАН

09.00-де Үкімет үйінде ҚР Үкіметінің отырысы өтеді.

10.00-де Аграрлық мәселелер комитетінің аграрлық ғылымды, білімді және өндірісті интеграциялау мәселелері бойынша тақырыптық отырысы өтеді.

10.00-де «Парасат» бизнес орталығында мүдделі мемлекеттік органдар өкілдерінің қатысуымен қалалық Кәсіпкерлер палатасының Кәсіпкерлердің құқықтарын қорғау және сыбайлас жемқорлыққа қарсы іс-қимыл жөніндегі кеңестің кезекті отырысы өтеді.

11.00-де Жастарға кеңес беру күні өтеді. Аталмыш шарада әрбір азамат өзінің қалаған сұрағымен «Қоғамдық денсаулық сақтау басқармасы», «Азаматтарға арналған үкімет» мемлекеттік корпорациясы», «Жұмыспен қамту орталығы», «Медиацияны дамыту орталығы» және басқа да мекемелердің өкілдеріне жолыға алады.

15.00-де «Қазмедиа орталығы» ғимаратында ҚР Индустрия және инфрақұрылымдық даму министрлігінің кеңейтілген алқа мәжілісі өтеді.

15.00-де Л.Н.Гумилев атындағы Еуразия ұлттық университетінде «Өнер орталығының» салтанатты ашылуы болады.


АЛМАТЫ

10.00-де Қазақстандағы Біріккен Ұлттар Ұйымының Бірінші өкілдігінің ашылу күніне және БҰҰ-ның 75 жылдық мерекесіне арналған дискуссия болады.

11.00-де ҚР Ұлттық кітапханасындағы «Әл-Фараби атындағы ғылыми орталығында» Қазақстан Журналистер одағының және М. Аверин атындағы Солтүстік Қазақстан облыстық әдеби бірлестігінің мүшесі, жазушы Михаил Сергеевич Гвоздевпен шығармашылық кездесу өтеді.

11.00-де «Әл-Фараби атындағы орталықта» ұлы ойшыл, философ Әл-Фарабидің 1150 жылдығы мен ұлы ақын Абайдың 175 жылдығына арналған «Әл-Фараби - Абай: рухани сабақтастық мәселелері» атты республикалық ғылыми-практикалық дөңгелек үстел өтеді.

12.00-де Қазақстандық баспасөз клубында жасөспірімдердің психикалық денсаулығы және жасөспірімдердің суицидінің алдын-алуға арналған баспасөз конференциясы өтеді.

16.00-де Алматы қаласы әкімдігінің баспасөз орталығында Әуезов ауданының 2019 жылға арналған әлеуметтік-экономикалық даму қорытындылары және алдағы кезеңге арналған жұмыс жоспарлары туралы баспасөз конференциясы өтеді.


Соңғы жаңалықтар