170 км/сағ жылдамдықпен жүрген жүргізушінің көпірден «ұшқан» сәті видеоға түсіп қалды

АСТАНА. ҚазАқпарат - Аргентинада 170 км/сағ жылдамдықпен келіп көпірден құлаған көліктің жүргізушісі тірі қалды. Видеобақылау камерасы түсірген оқиға Youtube-та қызу талқыланып жатыр, деп хабарлайды ҚазАқпарат тілшісі.

Todo Noticias басылымының жазуынша, 19 жастағы жігіт жеңіл көлікті тізгіндей алмай, екі қабатты көпірдің шетіндегі тосқауылды бұзып, жерге «ұшып түскен».

Хабарларға қарағанда, бұған дейін көлікке жылдамдығын асырғаны үшін алты рет айыппұл жазылған, ал көлік жігіттің өгей әкесіне тиесілі.

Абырой болғанда, жас жігіт аман қалған, бірақ ауыр халде ауруханаға жеткізілген. Апат салдарынан өзге адамдардың да зардап шеккені туралы ақпарат жоқ.