+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

15  жасар ақмолалық ерекше күтімдегі балаларға арналған республикалық фестивальде екінші орын алды

2020 жылғы 1 қараша 06:12
Бөлісіңіз:
15  жасар ақмолалық ерекше күтімдегі балаларға арналған республикалық фестивальде екінші орын алды

КӨКШЕТАУ. ҚазАқпарат - Ақмола облысы Жақсы ауданы Запорожье ауылының тұрғыны – 15 жастағы Медет Серікпаев ерекше білім беру қажеттіліктері бар балаларға арналған «Шекарасыз өмір» республикалық фестивалінің күміс жүлдегері атанды, деп хабарлайды ҚазАқпарат.

Ұқсас жаңалықтар
Қазақстандық атлет гір көтеруден әлем чемпионы атанды Футбол: «Каспий» мен «Ақжайық» тең ойнады Қазақстаннан Сербияда өтетін Əлем чемпионатына кімдер барады

Ақмола облыстық білім басқармасы баспасөз қызметінің мәліметінше, ҚР Білім және ғылым министрлігінің «Дарын» республикалық ғылыми-практикалық орталығы ерекше білім берілуіне қажеттілігі бар балаларға арналған «Шекарасыз өмір» республикалық фестивалін қорытындылады. Оған республиканың барлық өңірінен 101 қатысушы, сондай-ақ төрт топтық ұжым өтініш білдірген болатын. Балалар келесі номинациялар бойынша жарысты: вокалдық орындау – жеке ән айту, вокалдық ұжым, ыммен ән айту; би орындау, оның ішінде арбамен билеу; көркем шығармашылық – кескіндеме, портрет, графика, фотоөнер, сәндік-қолданбалы шығармашылық; техникалық өнертабыстар және компьютерлік әзірлемелер, робототехника. Республикалық байқаудың қорытындысы бойынша «Компьютерлік әзірлемелер, робототехника» номинациясы бойынша Жақсы ауданының Запорожье ауылынан келген 15 жастағы Медет Серікпаев екінші орынға ие болды.

«Немереміз Медеттің республикалық деңгейдегі байқаудың күміс жүлдегері атанғанына өте қуаныштымыз. Ұйымдастырушылар мен Медеттің мұғалімдеріне алғыс білдіремін. Соңғы уақытта мемлекет ерекше білім беру қажеттіліктері бар балаларға баса назар аударуда. Біз нәтижесін көріп жатырмыз. Балаларымыздың дамуы керек», – дейді баланың әжесі.

Жақсы ауданының білім бөлімі үш жыл бұрын балаға компьютер әперіп, интернет өткізген болатын. Техниканың арқасында ол енді достарымен тілдесіп, жаңа нәрселерді үйрене алады.

Айта кетсек, фестивальге Ақмола облысынан облыстық кезеңнің алты жеңімпазы қатысып, бақ сынады.

Біздің каналымызға жазылыңыз:

Бөлісіңіз:

Автор:

Әлихан Асқар

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059

MURAǴAT