USD 436.29 EUR 492.83
RUB 5.92 CNY 68.48
Jańalyqtar

15 томдық «Қазақ әдеби тілі сөздігінің» тұсаукесері өтеді

2011 жылғы 22 желтоқсан 17:36
Бөлісіңіз:
15 томдық «Қазақ әдеби тілі сөздігінің» тұсаукесері өтеді

АСТАНА. 22 желтоқсан. ҚазАқпарат /Қанат Мәметқазыұлы/ - Ертең, 23 желтоқсанда ҚР Мәдениет министрлігінің Тіл комитеті 10 000 данамен шығарылған 15 томдық «Қазақ әдеби тілі сөздігінің» тұсаукесер рәсімін өткізеді.

Сөздік Қазақстанның тарихында алғаш рет шығарылып отыр. Бұған дейін 30 жыл бұрын қазақ тілінің 10 томдық түсіндірме сөздігі шыққанын ескерсек, сөздіктің еліміздің мәдени-рухани өміріндегі маңыздылығы айрықша. Сөздікте барлығы 150 156 лексикалық бірлік қамтылып, лексикографиялық саралаудың барысында 166 мыңнан астам сөздің мағынасы ашып көрсетілген. Мұнда жұртшылықтың бәріне бірдей жалпы қолданыстағы зат, құбылыс, оқиға атаулары, адамның әр алуан сезім күйлерін бейнелейтін сөздер, субъективті мәнді бағалауыштар, т.б. әдеби тіл аясындағы лексика-фразеологиялық бірліктер сөзтізбеде қамтылып, жалпыхалықтық тілде қолданыла бермейтін термин сөздер, кәсіби сөздер, жергілікті сөздер тобы сараланып, іріктеліп алынған. Сонымен қатар медицина, қаржы, нарық экономикасы, құқықтану салалардың терминдері де енгізілген.

Тұсаукесер рәсіміне белгілі тілші-ғалымдар, терминология саласындағы мамандар, қоғам қайраткерлері, жазушылар, тіл жанашырлары қатысады.

Сөздік он мың данамен шығарылып, республиканың барлық облыстарындағы білім мекемелері мен кітапханаларға тегін таратылғалы отыр.

Біздің каналымызға жазылыңыз:

Бөлісіңіз:

Автор:

Қанат Мәметқазыұлы

Пікір қалдыру
+7
Жіберу
Сондай-ақ... оқыңыз
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT