+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

15 мыңнан астам азамат әскери қызметке қабылданды

2021 жылғы 15 шілде 15:45
Бөлісіңіз:
15 мыңнан астам азамат әскери қызметке қабылданды

НҰР-СҰЛТАН. ҚазАқпарат - Қорғаныс министрлігінде Бас штаб бастығының бірінші орынбасары генерал-лейтенант Марат Құсайыновтың басшылығымен көктемгі әскерге шақыру кампаниясы қорытындыланды. Бұл туралы ҚазАқпарат ҚМ сілтеме жасап хабарлайды.

Ұқсас жаңалықтар
Қарулы Күш құрамалары елдің батысы мен оңтүстігіне аттанды Мерзімді қызметтегі әскери қызметшілерге декларация тапсыру мерзімі ұзартылады ҰҚШҰ отырысында өңірлік қауіпсіздік мәселелері талқыланды

Осы жылғы көктемде Қарулы Күштерге, басқа да әскерлер мен әскери құралымдарға 15 мыңнан астам адам шақырылды, оның 6 000-нан астамы Қарулы Күштерге жіберілді.

Кеңес барысында қорғаныс істері жөніндегі департаменттердің бастықтары коронавирустық инфекцияның таралуы жағдайында өткен әскерге шақыру кампаниясының ерекшеліктері туралы баяндады.

Қабылданған санитариялық-эпидемиологиялық шаралар жиын пункттерінде әскерге шақырылушылардың індетті жаппай жұқтыруын болдырмауға, әскерге шақыруды жоспарлы түрде жүргізуге мүмкіндік берді.

Әскерге шақыру компаниясы кезінде Ұйымдастыру-жұмылдыру жұмыстары департаменті бұқаралық ақпарат құралдарында, әлеуметтік желілерде түсіндіру жұмыстарын жүргізді. Сонымен қатар, әскерге шақырылушылар, олардың туған-туыстары жедел желі телефондары арқылы жеке әңгімелесу жолымен туындаған сұрақтарын қойып, толыққанды жауап алды.

Бас штаб бастығының бірінші орынбасары жергілікті әскери басқару органдарының барынша ашықтығын және тұрғындарды өткізілетін іс-шаралар туралы хабардар етуді қамтамасыз ету, әскерге шақырылушылардың туыстарымен тұрақты түрде кері байланыс орнату міндетін қойды.

Әскерге шақырылушыларда кездесетін сипатты ауруларға жүргізілген талдау анағұрлым кең таралған аурулардың көз, асқазан-ішек жолдарымен, омыртқамен, неврологиямен байланысты екенін көрсетті. Мамандар бұның себебін жастардың қимыл-қозғалысы аз өмір салтын ұстануымен, дұрыс тамақтанбауымен және гаджеттерді шектен тыс пайдалануымен байланыстырып отыр.

Осыған байланысты, жергілікті атқарушы органдармен өзара іс-қимыл жасай отырып, тиісті әкімдердің қаулыларымен тағайындалатын медициналық комиссиялар жұмысының сапасын арттыру тапсырылды.

Сонымен қатар, генерал-лейтенант Марат Құсайынов әскерге шақыру жасына дейінгі және әскерге шақырылатын жастарды «Жас сарбаз», «Айбын» әскери-патриоттық қозғалысына, басқа да әскери-патриоттық және спорт клубтарына барынша тарту қажеттігіне назар аударды.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT