14 маусымда өтетін маңызды шаралар аңдатпасы
НҰР-СҰЛТАН
10.00-де Үкіметтің кезекті отырысы өтеді. Күн тәртібінде Қазақстан Республикасының 2022 жылғы қаңтар-мамыр айларындағы әлеуметтік-экономикалық дамуының қорытындысы және республикалық бюджеттің атқарылуы, елімізде медицина және фармацевтика өнеркәсібін дамыту мәселелері қаралады.
10.00-де «Эталон» орталығында электр самокаттарының техникалық талаптары талқыланады. Басты тақырып – электр самокаттарын пайдалануда қауіпсіздік деңгейін арттыру, оларға қойылатын талаптар, максималды жылдамдық және таңбалау.
14.00-де Нұр-Сұлтан қаласы филармониясының концерт залында «Алтыбақан» ойын-сауық кеші өтеді.
15.00-де «Нурсәулет-2» бизнес орталығында Астана медицина университетінің «Фармация» мамандығының студенттері үшін ашық есік күні өтеді.
17.00-де Қалибек Қуанышбаев атындағы мемлекеттік академиялық қазақ музыкалық драма театрында «Баян Сұлу – Қозы Көрпеш» қойылымының БАҚ өкілдері үшін премьера алдындағы көрсетілімі өтеді.
17.30-да Astana Opera Халықаралық опера академиясы дайындаған «Дон Жуан» операсына арналған баспасөз мәслихаты және қойылым премьерасы өтеді.
АЛМАТЫ
08.00-де Қалалық қан орталығында донорларға арналған жыл сайынғы салтанатты шара өтеді.
10.00-де Kazzhol Park қонақүйінде қазақстандықтардың тамақтану әдетіне қатысты өткізілген зерттеу нәтижелері жарияланады. Ұйымдастырушы - «Денсаулық» ұлттық қауымдастығы.