+7 (701) 759 90 19
USD 425.75 EUR 499.32
RUB 5.85 CNY 65.88
Jańalyqtar

14 маусым. Туған күн иелері

2021 жылғы 14 маусым 08:05
Бөлісіңіз:
14 маусым. Туған күн иелері

НҰР-СҰЛТАН. ҚазАқпарат – Бүгін, яғни 14 маусымда тұлғалардан кімдер дүниеге келген? ҚазАқпарат оқырмандарына есімдер күнтізбесін ұсынады.

Ұқсас жаңалықтар
23 қыркүйек. ҚазАқпарат күнтізбесі 22 қыркүйек. Туған күн иелері 22 қыркүйек. ҚазАқпарат күнтізбесі

ЕСІМДЕР

48 жыл бұрын (1973) Қазақстан Республикасы Төтенше жағдайлар министрлігі Азаматтық қорғаныс және әскери бөлімдер комитетінің төрағасы Бауыржан Мәдіұлы СЫЗДЫҚОВ дүниеге келді.

Шымкент (қазіргі Түркістан) облысында туған. 2000 жылы Қазақ Мемлекеттік медициналық университетін бітірген, гигиенист-эпидемиолог дәрігері, 2010 жылы Ресей Федерациясы Төтенше жағдайлар министрлігінің Азаматтық қорғау академиясын бітірген, «командалық-штабтық оперативті-тактикалық азаматтық қорғаныс» мамандығы бойынша басқару саласындағы маманы, 2019 жылы Мәскеу қаласындағы «Синергия» Мәскеу қаржы-өнеркәсіп университетін бітірген, Құқықтану магистрі.

Еңбек жолы: 2001-2005 жылдары – Оңтүстік Қазақстан облысы ТЖ басқармасы табиғи және техногендік төтенше жағдайлардың алдын алу, аумақты және халықты қорғау бөлімінің аға офицері. 2005-2006 жылдары – Оңтүстік Қазақстан облысы Төтенше жағдайлар департаменті аумақты және халықты қорғау, азаматтық қорғаныс бөлімінің аға офицері. 2006-2008 жылдары – Оңтүстік Қазақстан облысы Төтенше жағдайлар департаменті аумақты және халықты қорғау, азаматтық қорғаныс бөлімінің бастығы. 2008-2010 жылдары – Оңтүстік Қазақстан облысы Төтенше жағдайлар департаменті азаматтық қорғаныс басқармасы халықты және аумақты қорғау бөлімінің бастығы. 2010-2012 жылдары – ҚР ТЖМ Азаматтық қорғаныс департаменті халық пен аумақты қорғау басқармасының бастығы. 2012-2014 жылдары – ҚР ТЖМ Ақтөбе облысы ТЖД бастығының орынбасары. 2015-2019 жылдары – ҚР ІІМ ТЖ комитеті Ақтөбе облысы Төтенше жағдайлар департаментінің бастығы. 2019-2020 жылдары Нұр-Сұлтан қаласы Төтенше жағдайлар департаментінің бастығы.

2020 жылдың желтоқсанынан бастап қазіргі қызметінде.

«Айбын» орденімен, «Қазақстан Республикасының Қарулы Күштеріне 10 жыл» «Қазақстан Республикасының Қарулы Күштеріне 20 жыл» меретойлық медалдарымен, «Оқуда ерекше жетістіктері үшін», III дәрежелі «Мінсіз қызметі үшін» медалдарымен; «Төтенше жағдайлар жүйесін дамытуға қосқан үлесі үшін» төсбелгісімен, «Төтенше жағдайлардың алдын алуда және жоюда үздік шыққаны үшін» медалімен марапатталған.

39 жыл бұрын (1982) ҚР Білім және ғылым министрі Асхат Қанатұлы АЙМАҒАМБЕТОВ дүниеге келді.

Қарағанды облысында туған.

2003 жылы Е. Бөкетов атындағы ҚарМУ тарих факультетін «тарихшы, тарих мұғалімі» мамандығы бойынша тәмамдаған. 2006 жылы - Қарағанды «Болашақ» актуалды білім беру институтының заң факультетін «құқықтану» мамандығы бойынша аяқтаған.

Еңбек жолын 2002 жылы Е. Бөкетов атындағы ҚарМУ-ден бастаған, 2004-2005 жылдары «Аңсар» жастар лигасы» ҚБ төрағасы болған, 2005-2006 жылдары «МЕДИА СП» ЖШС директоры, 2006-2012 жылдары Е. Бөкетов атындағы ҚарМУ саясаттану және әлеуметтану кафедрасының оқытушысы, аға оқытушысы, доценті ретінде қызмет атқарған. 2012-2014 жылдары Нұра ауданы әкімінің әлеуметтік мәселелер жөніндегі орынбасары қызметін атқарған. 2014 жылғы ақпан айынан бастап 2017 жылғы тамызға дейін Қарағанды облысы білім беру басқармасының басшысы лауазымында болды. 2017-2019 жылдары – Қазақстан Республикасы білім және ғылым вице-министрі. 2019 жылдың қаңтарынан маусымына дейін Қарағанды облысы әкімінің орынбасары қызметін атқарған. Қазіргі лауазымында 2019 жылдың 13 маусымынан бері.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT