Қолданушы баптаулары
Қолданушы баптаулары
+7 (701) 759 90 19 Лента
USD 378.93 EUR 423.00
RUB 5.87 CNY 54.82
Jańalyqtar

13 жасар тележүргізушінің өліміне қатысты іс тергелуде

2019 жылғы 18 мамыр 12:57 3771
Бөлісіңіз:
13 жасар тележүргізушінің өліміне қатысты іс тергелуде

НҰР-СҰЛТАН. ҚазАқпарат - Елорда полициясы «Balapan» телеарнасының 13 жасар жүргізушісі Бағлан Құтжанның жол-көлік оқиғасынан мерт болуына байланысты тергеу амалдарын бастады, деп хабарлайды ҚазАқпарат тілшісі.

«10 мамыр күні сағат 17:30 кезінде елордадан Қосшы ауылы бағытындағы, яғни «Garden village» коттедж кенті маңында болған жол-көлік оқиғасына қатысты сотқа дейінгі тергеу амалдары жүргізіліп жатыр. Осы орайда тиісті сараптамалар тағайындалды. Аталған жол апаты салдарынан кәмелетке толмаған велошабандоз ауруханаға жеткізілді. Ол 16 мамыр күні алған жарақытынан көз жұмды», - делінген Полиция департаментінің мәліметінде.

Қазіргі кезде жол-көлік оқиғасының мән-жайы анықталып жатыр.

Айта кетейік, осыған дейін «Balapan» телеарнасының әлеуметтік желідегі парақшасында Құтжан Бағлан Ғалымбекұлы өмірден озғаны хабарланған еді

«Ол біздің арнадағы «Ойлан, тап!», «Біз де бала болғанбыз», «Қуыр, қуыр, қуырмаш», «Дұрыс-бұрыс» бағдарламаларын сондай-ақ, Қазақ радиосында «Балдаурен» балалар интерактивті радио ойынын жүргізген. Осы жылы наурыз айында Спорт және дене шынықтыру істері комитетінің төрағасы Серік Сәпиевтің ұйымдастыруымен өткен қазақша күрестен 1 орын иеленген. Қысқа ғана ғұмырында өнерде ғана емес спортта да, білімде де биік жетістіктерге жеткен. Спорт шеберіне үміткер болған дарынды баланың өмірі жеңіс пен жетістікке толы болды. Ата-анасына, туған-туыстарына ұжымның атынан қайғырып көңіл айтамыз. «balapan» телеарнасының миллиондаған көрермендері сенің жарқын бейнеңді ешқашан ұмытпайды. Қош бол, балақай!», - деп жазды телеарна ұжымы.

 

 

Біздің каналымызға жазылыңыз:

Басты сөздер: Нұр-Сұлтан, Оқиға,
Бөлісіңіз:

Автор:

Руслан Ғаббасов

Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059
MURAǴAT